- Yield: Անմիջապես
- Prep Time: 5 minutes
- Cook Time: 5 minutes
Կանապե
Բաղադրիչներ
- խոզապուխտ - 50գր
- պանիր - 50գր
- հաց սպիտակ - 1 հատ(տոստի համար նախատեսված)
- ծովախեցգետին - 50գր
- ձիթապտուղ սև - 3 հատ
- եգիպտացորեն պահածոյացված - 50գր(ամբողջական)
- սունկ շամպինիոն պահածոյացված - 2 հատ
- վարունգ մարինացված - 2 հատ
- լոլիկ - 1 հատ
- վարունգ - 2-3 շերտ
- տաքդեղ - 2-3 շերտ
Քայլերի հաջորդականություն
- Գոյություն ունեն կանապեների բազմաթիվ տարբերակներ՝ կախված ճաշակից և համային նախասիրություններից: Ձեզ ենք ներկայացնում կանապեի 12 հետաքրքիր տարբերակ, որոնք, անկասկած, կդառնան ցանկացած տոնական սեղանի իսկական զարդը:
Տարբերակ 1. Փայտիկի վրա հագցնում ենք եգիպտացորենը, տաքդեղը, խոզապուխտի խորանարդիկը և մեկ կտոր վարունգը։
Տարբերակ 2. Խոզապուխտը և պանիրը բարակ շերտերով կտրատում ենք։ Դանակով կամ ձևամանով խոզապուխտի, պանրի և տաքդեղի միանման կտորներ ենք ստանում և շարում փայտիկի վրա։
Տարբերակ 3. Փայտիկի վրա խրում ենք ծովախեցգետնի պոչը. այնուհետև շարում ենք տաքդեղի կտոր, օղակաձև կտրած ձիթապտուղ և պանրի խորանարդիկ, որից հետո հագցնում ենք ծովախեցգետնի մյուս ծայրը և վերջում խոզապուխտ դնում։
Տարբերակ 4. Շարում ենք օղակաձև կտրած ձիթապտուղը, տաքդեղը, վարունգը և պանրի խորանարդիկը։
- Տարբերակ 5. Փայտիկի վրա ենք հագցնում եգիպտացորենը, կլոր կտրած վարունգի կտորը, լոլիկը, պանրի խորանարդիկը։
Տարբերակ 6. Ծովախեցգետնի պոչին հագցնում ենք օղակաձև կտրած ձիթապտուղ, այնուհետև ծովախեցգետինը հագցնում ենք չոփիկի վրա և վերջում դնում խոզապուխտի խորանարդիկը։
Տարբերակ 7. Փայտիկի վրա ենք հագցնում պղպեղի կտորը, ձիթապտղի շերտը, պանիրը, վարունգն ու խոզապուխտը:
Տարբերակ 8. Չոփիկի վրա ենք խրում ծովախեցգետնի պոչը, այնուհետև մարինացված վարունգը, խոզապուխտը, ապա հագցնում ենք խովախեցգետնի մյուս կողմը, ձիթապտուղն ու պանրի խորանարդիկը։
- Տարբերակ 9. Փայտիկի վրա ենք շարում ամբողջական կորիզահան արած ձիթապտուղը, տաքդեղը, շամպինիոնը, վարունգը և կրկին շամպինիոն։
Տարբերակ 10. Մարինացված վարունգը, շամպինիոնը, տաքդեղը և խոզապուխտի խորանարդիկը շարում ենք փայտիկի վրա։
Տարբերակ 11. Չոփիկի վրա ենք խրում շամպինիոն, խոզապուխտ, շամպինիոն, վարունգ, պանիր։
Տարբերակ 12. Փայտիկի վրա ենք հագցնում օղակաձև կտրած ձիթապտուղը, տաքդեղը, խոզապուխտի խորանարդիկը և վերջում հացի խորանարդիկը։
- Պատրաստի կանապեն շարում ենք ափսեի մեջ և մատուցում:
Կանապե պատրաստելու տարատեսակ տարբերակներ կան։ Եթե ցանկանում ենք կանապեն գինու հետ մատուցել, ապա փայտիկի վրա կարող ենք մի քանի տեսակի պանիր և խաղող հագցնել 🙂
Թողնել պատասխան
Մուտք եղեք: