- Yield: 10 ժամ անց
- Prep Time: 1ժ 10 րոպե
- Cook Time: 40 minutes
Նապոլեոն
Բաղադրիչներ
- Խմորի համար՝
- ալյուր - 220 գր
- կարագ - 120 գր
- ձու - 1հատ (դեղնուց)
- ջուր - 50-60 մլ (սառը)
- հյութ կիտրոնի - 1 թ/գդ
- աղ - 1 պտղունց
- Պրալինեի համար՝
- շաքարավազ - 100գր
- նուշ - 100գր
- Սերուցքով եփած կրեմի համար՝
- կաթ - 260 մլ
- ձու - 1 հատ
- ալյուր - 1 ճ/գդ
- շաքարավազ - 60 գր
- սերուցք 30-35% յուղայնությամբ - 180 գր
- Սպիտակ շոկոլադով ազնվամորու շերտի համար՝
- ժելատին - 4 գր
- հյութ կիտրոնի - 30 գր
- ձու - 2 հատ(դեղնուց)
- ջեմ ազնվամորու - 100 գր
- շոկոլադ սպիտակ - 50 գր
- Սերուցքային-թթվասերային մուսի համար՝
- ժելատին - 12 գր
- ջուր - 30 մլ
- կաթ - 50 գր
- շաքարավազ - 30 գր
- ձու - 2 հատ(դեղնուց)
- վանիլին - 15թ/գդ
- թթվասեր - 220 գր
- սերուցք 30-35% յուղայնությամբ - 220 գր
- Մերենգայի համար՝
- շաքարավազ - 67 գր
- ջուր - 25 մլ
- աղ կիտրոնի - 1 պտղունց
- ձու - 1 հատ(սպիտակուց)
- Հայելային գլազուրի համար՝
- շաքարավազ - 150 գր
- օշարակ մրգային - 150 գր
- ջուր - 75 մլ
- ժելատին - 12 գր
- խտացրած կաթ - 100 գր
- շոկոլադ սպիտակ - 150 գր
- սննդի գունանյութ
Քայլերի հաջորդականություն
- Կարագը կտրատում ենք և բլենդերում հարում ալյուրի և աղի հետ, մինչև խոշոր
փշուրների վերածվի։ Ավելացնում ենք դեղնուցը, կիտրոնի հյութը և, քիչ-քիչ լցնելով
սառը ջուրը, հասցնում ենք այնպիսի կազմության, որպեսզի փշրանքները գուղձերի
վերածվեն։ Խմորը փաթաթում ենք թաղանթով և 30 րոպե պահում սառցարանում։ Խմորը գրտնակում ենք շատ բարակ` 1 մմ-ից ոչ ավելի հաստությամբ և կտրում ենք շերտեր 16 սմ տրամագծով։ Թխման ընթացքում շերտերը փոքրանում են և պատրաստի վիճակում ստանում այն չափը, որն անհրաժեշտ է (14 սմ)։ Բաղադրիչների այսպիսի քանակի դեպքում կստացվի 12 բարակ շերտեր` գումարած ձևավորման համար անհրաժեշտ մնացորդները։ Շերտերից 10-ը օգտագործվում են տորթի մեջ, իսկ մնացածը ձևավորման համար։ - Պատրաստում ենք պրալինեն:
Հալեցնում ենք շաքարավազը թույլ կրակի վրա, որպեսզի ստացվի կարամել, ապա ավելացնում ենք նուշը և խառնում, որպեսզի նշի հատիկներն ամբողջովին պատվեն կարամելով։ Ստացված զանգվածը լցնում ենք յուղաթղթի վրա ու թողնում, որ սառչի։ Սառած զանգվածը մանրացնում ենք բլենդերի միջոցով, վերածելով փշրանքի։ Այս վիճակում նուշը կարելի է պահել փակ տարայի մեջ սենյակային ջերմաստիճանում։
Կրեմի համար իրար ենք խառնում կաթը, շաքարավազը, ձուն և ալյուրը։ Անընդհատ խառնելով եփում թույլ կրակի վրա։ Կրեմը պետք է պնդանա։ Եփած կրեմը ծածկում ենք թաղանթով, թողնում սառչի, որից հետո խառնում ենք սառը սերուցքի և մանրացված պրալինեի հետ ու հարում մինչև փրփրելը։
10 շերտերն առանձնացնում ենք երկու մասի և կրեմով պատում. Կստացվեն երկու առանձին տորթիկներ։ Տորթիկները գիշերը թողնում ենք սառնարանում, որպեսզի շերտերը ներծծվեն և նստեն։
- Այժմ պատրաստում ենք ազնվամորու շերտը սպիտակ շոկոլադով:
Ժելատինը թրջում ենք կիտրոնի հյութով։ Դեղնուցները խառնում ենք ջեմի հետ և եփում գոլորշու վրա` հասցնում ենք եռման ջերմաստիճանի, բայց չենք եռացնում։ Խառնուրդը վերցնում ենք գոլորշու վրայից, ավելացնում շոկոլադը և խառնում մինչև այն լուծվի, որից հետո ավելացնում ենք ժելատինը և հարում բլենդերով։ Հետո լցնում ենք 13-14 սմ տրամագծով թաղանթով պատված խորը ամանի մեջ և սառեցնում։ Այնուհետև ստացված շերտը դնում ենք երկու մինի տորթերի միջև։ - Պատրաստում ենք սերուցքային-թթվասերային մուսը:
Շատերը «Նապոլեոնի» կրեմը պատրաստում են թթվասերով. այն որոշակի թթվություն է հաղորդում և թարմացնում համը։ Քանի որ մեր բաղադրատոմսը եփած կրեմով է, մենք թթվասերի նոտան կավելացնենք ոչ մեծ քանակությամբ թեթև մուսի միջոցով։
Ժելատինը թրջում ենք ջրում և թողնում ուռչի։ Կաթը խառնում ենք շաքարավազի, վանիլինի և դեղնուցների հետ։ Եփում ենք թույլ կրակի վրա 20 րոպե անընդհատ խառնելով։ Վերցնում ենք կրակից, ավելցնում ուռած ժելատինը և խառնում մինչև լուծվելը։ - Պատրաստում ենք իտալական մերենգան. իրար ենք խառնում շաքարավազը, ջուրը, կիտրոնի աղը և եփում ենք 20-25 րոպե։ Առանձին ամանի մեջ զուգահեռաբար հարում ենք սպիտակուցը, մինչև թանձր փրփուր ստացվելը և ապա ստացված զանգվածի վրա լցնում ենք թանձր, եփված օշարակը։ Մերենգան արագորեն խառնում ենք մինչև սառչի `հասնելով սենյակային ջերմաստիճանի։
Եփված դեղնուցային զանգվածը զգուշորեն ավելացնում ենք մերենգային։ Առանձին ամանի մեջ հարում ենք թթվասերն ու սերուցքը մինչև փրփրի և ավելացնում մուսին։
- Հիմա հավաքում ենք տորթը:
17 սմ տրամագծով օղակը ներքևից և կողքերից պատում ենք թաղանթով։ Հատակին լցնում ենք 3-4ճգ թթվասերային-սերուցքային մուսսից և հարթեցնում։ Մեջը դնում ենք թխված շերտերից, ազնվամորու շերտից և կրեմից հավաքված տորթը։ Հրուշակեղենի պարկիկով կամ կտրած ծայրով տոպրակի միջոցով կողքերի ազատ տարածությունը պատում ենք մուսով։ Մուսը հարթեցնում ենք շերտերի հետ հավասարեցնելով։ Դա պատրաստի տորթի հատակը կլինի։
Տորթը 8 ժամով դնում ենք սառցարանը, որից հետո պատում ենք գլազուրով և
ձևավորում ըստ մեր ճաշակի։
Եթե աշխատելու ընթացքում մուսը սկսի արագորեն կպչել, պետք է հարիչով զգուշորեն խառնել ցածր արագությամբ և այն ավելի ենթարկվող կդառնա։ - Պատրաստում ենք հայելային գլազուրը:
Ժելատինը թրջում ենք մի փոքր ջրում և թողնում, որ ուռչի։ Կաթսայում խառնում ենք շաքարավազը, օշարակը և ջուրը, զանգվածը խառնելով հասցնում ենք եռման աստիճանի։
Շոկոլադը կոտրատում ենք և խառնում խտացրած կաթի հետ։ Ավելացնում ենք տաք օշարակը և խառնում մինչև համասեռ զանգված ստացվի։ Ավելացնում ենք նաև ժելատինը և բլենդերում զգուշորեն խառնում այնպես, որ պղպջակներ չլինեն։
Գլազուրը մասնակի կամ ամբողջությամբ գունավորում ենք և դրանով պատում տորթը։
- Պատրաստի տորթը 8-10 ժամով տեղափոխում ենք սառնարանի մեջ, որպեսզի դանդաղ սառչի, ապա հանում ենք և մատուցում:
Նապոլեոն` ամենասիրված տորթերից մեկը, որը չափազանց համեղ է. բազմաթիվ շերտեր` եփած
նրբագույն կրեմով ներծծված…Շերտերը պետք է լավ թխված լինեն, իսկ եփած կրեմը` նուրբ, բայց միաժամանակ թանձր ու մի փոքր կպչուն։ Եվ ցանկալի է այն ուտել նույնիսկ ոչ թե երկրորդ, այլ պատրաստելուց հետո երրորդ օրը 🙂
Թողնել պատասխան
Մուտք եղեք: