Ինչպե՞ս ճիշտ օգտագործել սոդան խմորեղենում

Pkhrun-tkhvatsq

Դարեր առաջ թխվածքները եղել են համեղ, քաղցր, սակայն, շատ ծանր կառուցվածքով:
Եվ միայն կերակրի սոդայի օգտագործումից հետո է բիսկվիթը ստացել ներկայիս օդեղեն և սպունգանման տեսքը:
Կերակրի սոդան շատ կարևոր բաղադրիչ է խոհանոցում: Այն հաճախ է օգտագործում խոհարարության մեջ՝ որպես փափկեցնող, փխրեցնող և այլ կարևոր հատկություններ հաղորդող նյութ:
Եվ այսպես, ինչպե՞ս ճիշտ օգտագործել սոդան, որպեսզի խմորեղենը ստացվի փափուկ և փարթամ:

  • Ձվից, շաքարավազից և ալյուրից բաղկացած պարզ բիսկվիթը հեշտորեն բարձրանում է նաև առանց կողմնակի օգնության, պայմանով, որ խմորը շատ է հարվել և ճիշտ է թխվել:
  • Սոդան կարելի է օգտագործել ինչպես նախնական վիճակում, այնպես էլ հանգցված (մարված):
  • Սոդան հանգցնելու համար հիմնականում օգտագործվում է կիտրոնի հյութ, ցանկացած այլ ցիտրուսի հյութ, ինչպես նաև բարձրորակ քացախ:
  • Եթե խմորը պարունակում է թթվասեր, կաթ, մածուն, յոգուրտ կամ սերուցք, ապա պատք չէ սոդան հանգցնել:
  • Եթե խմորը չի պարունակում որևէ թթու բաղադրիչ կամ կաթնամթերք, ապա սոդան հանգցնում ենք թթվային միջավայրում: Ամենաավանդական չափաբաժիններն են՝ 1 թ.գ. սոդա, 1 ճ.գ. կիտրոնահյութ կամ քացախ:

Hangtsvats-soda-marvats-soda

  • Առավելագույն փխրուն կառուցվածք ստանալու համար սոդան ավելացնում ենք խմորին անմիջապես ջեռոցը դնելուց առաջ, քանի որ խմորեղենը բարձրանում է սոդայի և թթվային բաղադրիչի ռեակցիայի արդյունքում: Եթե այդ ռեակցիան ավարտված լինի մինչև խմորը ջեռոց տեղափոխելը, ապա խմորեղենը համարյա չի բարձրանա:
  • Սոդայի մեծ քանակությունը բացասաբար է ազդում համի վրա, ուստի այն պետք է չափավոր օգտագործել:

bartsr-biskvit

Ի դեպ, ներկայումս շատ լայն տարածում ունի նաև փխրեցուցիրը, որն իրենից ներկայացնում է սոդայի, կիտրոնաթթվի և ալյուրի կամ օսլայի խառնուրդ:

Այստեղ կարող եք գտնել բազմաթիվ թխվածքների բաղադրատոմսեր, որոնք սոդայի շնորհիվ կլինեն փխրուն և թեթև:

Դե ինչ, հաջողություն ենք մաղթում խոհանոցում, և շատ համեղ թխվածքներ 🙂

Ձեզ կարող է հետաքրքրել նաև

Թողնել պատասխան

Մուտք եղեք:

Leave a Reply

Your email address will not be published. Required fields are marked *