- Yield: 3-4 ժամ անց
- Prep Time: 30-35 minutes
- Cook Time: 35-40 minutes
Ազնվամորիով տորթ սուֆլե
Բաղադրիչներ
- Բիսկվիթի համար՝
- ձու - 2 հատ
- շաքարավազ - 150 գր
- կարագ - 150 գր
- կակաո - 3 ճ/գդ
- փխրեցուցիչ - 2 թ/գդ
- ալյուր - 300 գր
- Սուֆլեի համար՝
- ազնվամորի - 300 գր
- սերուցք 30-35% յուղայնությամբ - 500 գր
- ժելատին - 30 գր
- շաքարի փոշի - 7 ճ/գդ
- յոգուրտ մրգային - 200 գր (ազնվամորու)
- Ջնարակի համար՝
- շոկոլադ կաթնային - 200 գր
- շոկոլադ սպիտակ - 100 գր
- սերուցք 30-35% յուղայնությամբ - 2 ճ/գդ
Քայլերի հաջորդականություն
- Ձվերը հարում ենք մինչև օդեղեն զանգված ստանանք, ավելացնում ենք շաքարավազը, կրկին հարում ենք, որից հետո ավելացնում ենք հալեցրած կարագը, կակաոն ու փխրեցուցիչը, այնուհետև ալյուրը: Խառնում ենք: Բիսկվիթը լցնում ենք ձևամանի մեջ և կրկին հարում ենք: Այնուհետև լցնում ենք ձևամանի մեջ և թխում ենք 35-40 րոպե 180 աստիճան տաքացրած ջեռոցում: Փայտիկով փորձում ենք, եթե այն խմորից չոր է դուրս գալիս, ուրեմն բիսկվիթը պատրաստ է: Պատրաստի բիսկվիթը 2 շերտի ենք կիսում:
- Ազնվամորին բլենդերով հարում ենք և մանր մաղով անցկացնում, որպեսզի կորիզներիզ ազատվենք:
- Պատրաստում ենք սուֆլեն: Սառը սերուցքը 6-7 ճ/գդ շաքարի փոշու հետ հարում ենք: Ժելատինը թրջում ենք (ջրի քանակությունը՝ ըստ ժելատինի տուփի վրա գրված ցուցումների): Հարած սերուցքի մեջ ենք լցնում ազնվամորիով խյուսն ու յոգուրտը և հարում ենք: Ժելատինը տաքացնում ենք (միկրոալիքային վառարանում կամ թույլ կրակի վրա), որպեսզի լուծվի, այնուհետև լցնում ենք սերուցքով զանգվածի մեջ: Հարում ենք:
- Տորթը հավաքում ենք: Բիսկվիթի շերտը դնում ենք բացվող ձևամանի մեջ, այնուհետև լցնում ենք ազնվամորիով սուֆլեն և տեղափոխում ենք սառնարանը (կարող ենք գիշերը սառնարանում թողնել):
- Սուֆլեն պնդանալուց հետո, ծածկում ենք բիսկվիթի երկրորդ շերտով:
- Պատրաստում ենք ջնարակը: Շոկոլադը մանր կտորներով կտրատում ենք և լցնում կաթսայի մեջ, այնուհետև վրան ենք լցնում 2 ճ/գդ բարձր յուղայնությամբ սերուցքը և կաթսան դնում ենք թույլ կրակի վրա՝ խառնելով շոկոլադը հալեցնում ենք մինչև միասեռ դառնա: Ջնարակը թեթևակի սառեցնում ենք և լցնում տորթի վրա: Սպիտակ շոկոլադը հալեցնում ենք, լցնում հրուշակեղենային պարկի մեջ և տորթը նախշազարդում ենք:
- Ահա և վերջ:
Ի դեպ, սուֆլե պատրասելիս, կարող ենք ազնվամորին ցանկացած տեսակի հատապտղով փոխարինել: Եթե թամ ազնվամորի չկա, կարող եք նաև սառեցվածով փոխարինել 🙂
Ձեզ կարող է հետաքրքրել նաև
Թողնել պատասխան
Մուտք եղեք:
jelatini kanak@ petke grel anpayman,tup@ karoge tarber kanaki linel
Վարսիկ ջան, երբ վերցնեք ժելատինը կտեսնեք, որ հակառակ կողմում գրված է, թե որքան մլ ջրի համար է այն նախատեսված: Մեզ պետք է, որ մեկ տուփը նախատեսված լինի 500 մլ ջրի համար: Քանի որ մեր բաղադրատոմսում հեղուկ բաղադրիչները կազմում են 1 լիտր, հետևաբար մեզ անհրաժեշտ է 2 տուփ 🙂
?
Brev dzez indz hetaqrqira serucq@ nuyn slivkin chi?
Բարև Ձեզ Թագուհի ջան, այո Դուք իրավացի եք 🙂
Es jelatin@ 1LITRI HAMAR OKTAGORCUM EM 40GRAM
Թագուհի ջան, տվյալ բաղարատոմսում մեզ անհրաժեշտ է 30 գր ժելատին 🙂