- Yield: Անմիջապես
- Prep Time: 20-25 minutes
- Cook Time: 50-60 minutes
Դդմիկ լցոնված մսով
Բաղադրիչներ
- դդմիկ - 700 գր
- միս տավարի (աղացած) - 200 գր
- սոխ - 100 գր
- գազար - 100 գր
- լոլիկի մածուկ - 1 ճ/գդ
- թթվասեր - 5-6 ճ/գդ
- աղ - ըստ ճաշակի
- պղպեղ սև - ըստ ճաշակի
- բուսայուղ - տապակելու համար
Քայլերի հաջորդականություն
- Դդմիկով, տավարի խճողակով և բանջարեղենով հագեցնող և համեղ ուտեստ։ Դդմիկների փոխարեն կարելի է սմբուկ օգտագործել։ Սոխը մաքրում ենք և մանր կտրատում։
- Գազարը կեղևազատում ենք և մանր քերիչով անցկացնում։
- Սոխը բուսայուղի մեջ մոտ 3 րոպե տապակում ենք։ Ավելացնում ենք գազարն ու ևս 3 րոպե տապակում։
- Այնուհետև լցնում ենք խճողակը, խառնում ենք և 10-15 րոպե տապակում։ Խճողակը տապակելուց թիակով մանրացնում ենք, որպեսզի հավասարապես տապակվի։
- Եթե դդմիկների կճեպը կոշտ է, ապա կեղևազատում ենք։ Դդմիկները 3-4 մասի ենք կիսում։
- Յուրաքանչյուր դդմիկի պտղամիսը գդալով հանում ենք, բայց մինչև վերջ չենք կտրում դդմիկը, որպեսզի հետո լցոնը լցնելուց ներքևից չթափվի։ Խճողակի մեջ ենք լցնում դդմիկների պտղամիսը, որը նախապես պետք է կտրատել։ Այնուհետև ավելացնում ենք լոլիկի մածուկը, թթվասերը (1 ճ/գդ առանձնացնում ենք), աղ և պղպեղ ենք անում։
- Խառնում ենք և մի քանի րոպե ևս շոգեխաշում։
- Բաժակի տեսքով դդմիկները դնում ենք տապակի կամ ձևամանի մեջ։ Միջուկով լցոնում ենք։ Վրան թթվասեր ենք քսում։
- Տեղափոխում ենք մինչև 180 աստիճան տաքացրած ջեռոցը և 30-50 րոպե եփում ենք` կախված այն բանից, թե որքան ենք ուզում դդմիկները փափկեն։ Մատուցում ենք տաք վիճակում։
Ի դեպ, դդմիկով կոճղերը տարբեր հաստության և բարձրության են` անտառում հանդիպող կոճղերի պես 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Шат ачели э.
Ուրախ ենք, որ Ձեզ դուր է գալիս 🙂
shat lav er
Շնորհակալություն 🙂
Բարև ձեզ ես փնտրում եմ նապաստակը տապալելու որևէ բաղադրատոմս կարող եք ինձ օգնել ?
Բարև Ձեզ հարգելի Լիլիթ: Ցավոք, դեռ նման բաղադրատոմս չունենք, սակայն հնարավոր է՝ շուտով տեղադրենք այն 🙂