- Yield: 3 ժամ հետո
- Prep Time: 35 minutes
- Cook Time: 20 minutes
Ելակով տորթ
Բաղադրիչներ
- Խմորի համար՝
- շաքարավազ - 110 գր
- փխրեցուցիչ - 0,5 թ/գդ
- ալյուր - 70 գր
- ձու - 2 հատ
- Օշարակի համար՝
- ելակ - 100 գր
- շաքարավազ - 40 գր
- ջուր - 250 մլ
- Մուսսի համար՝
- ելակ - 250 գր
- շաքարավազ - 250 գր
- թթվասեր - 100 մլ
- կաթնաշոռ - 400 գր
- ժելատին - 30 գր
- ջուր - 100 մլ
- վանիլին - 10 գր
- Ձևավորման համար՝
- ելակ - 200 գր
- ժելե ելակի համով - 10 գր
Քայլերի հաջորդականություն
- Ձվերը շաքարավազի հետ հարում ենք մինչև զանգվածը երկու անգամ ավելանա, սպիտակի և թանձր կրեմի պես դառնա։
- Փխրեցուցիչն ու ալյուրը մաղում ենք և փոքր չափաբաժիններով ավելացնում ենք հարած ձվերի մեջ։
- Ձևամանը բուսայուղով պատում ենք և խմորը լցնում ենք ձևամանի մեջ։ Թխում ենք 20 րոպե` նախապես մինչև 190 աստիճան տաքացրած ջեռոցում։
- Պատրաստի բիսկվիթը թողնում ենք սառչի (կարող ենք 8 ժամ թողնել)։
- Այժմ պատրաստում ենք օշարակը։ Ելակը լցնում ենք կաթսայի մեջ, ավելացնում ենք շաքարավազը, ջուրը, դնում ենք կրակի վրա և 10 րոպե եփում ենք։
- Պատրաստի օշարակը մաղում ենք։ Մեզ անհրաժեշտ է 250 մլ օշարակ, եթե այն քիչ է, պարզապես մի քիչ ջուր ենք ավելացնում։
- Պատրաստում ենք մուսսը: Ելակն ու օշարակի համար եփվող ելակը միացնում ենք իրար, ավելացնում ենք ու շաքարավազը բլենդերով հարում ենք մինչև խյուսանման զանգված ստանանք։
- Կաթնաշոռն ու թթվասերը խառնում ենք իրար և բլենդերով հարում ենք։
- Կաթնաշոռային զանգվածը ելակով խյուսի մեջ ենք ավելացնում և հարում։
- Ժելատինի վրա ենք լցնում ջուրը և թողնում ենք ուռչի։ Ուռած ժելատինը թույլ կրակի վրա տաքացնում ենք մինչև ժելատինը լուծվի, բայց չենք եռացնում։ Թողնում ենք սառչի։
- Գոլ ժելատինը լցնում ենք ելակով մուսսի մեջ, ապա ավելացնում ենք վանիլինը և անմիջապես խառնում ենք։
- Բացվող ձևամանի մեջ ենք դնում թխված բիսկվիթը։ Ձևամանի կողքերը սննդային փաթեթով ծածկում ենք, որպեսզի տորթը հեշտությամբ հանենք ձևամանից։
- Բիսկվիթի վրա ենք լցնում ելակով մուսսը և 30-60 րոպեով տեղափոխում ենք սառնարանը։ Եթե մուսսը շատ ջրիկ է, կարող է ձևամանով մեկ տարածվել, այնպես որ լավ կլինի լցնելուց առաջ սառնարանը դնենք, որպեսզի այն պնդանա։ Բայց պետք է հետևենք, որ չափից դուրս չպնդանա, այլապես չենք կարող հավասարապես տարածել։ Մուսսը լցնելուց հետո տորթը դնում ենք սառնարանը։
- Ապա անցնում ենք ձևավորման: Ելակը բարակ շերտերով կտրատում ենք, որպեսզի ձևավորենք տորթը։
- Տորթը (մուսսը արդեն պնդացել է) սառնարանից հանում ենք և տորթի վերևամասը ելակի կտորներով ձևավորում ենք։
- Ելակի համով ժելեն պատրաստում ենք ըստ տուփի վրա նշված եղանակի: Թողնում ենք մի քիչ սառչի և լցնում ենք ելակով ձևավորված տորթի վրա։ Եթե ժելեն նախքան լցնելն արդեն սառել է, ապա կարող ենք մի քիչ տաքացնել, այնուհետև լցնել տորթի վրա։ Տորթը 2-3 ժամով դնում ենք սառնարանը, որպեսզի սառչի։
- Այնուհետև ձևամանը բացում ենք և տորթը հանում ենք ու մատուցում:
Շատ նուրբ և համեղ ելակով տորթ է։ Պատրաստենք և ուրախացնենք ինքներս մեզ և մեր հարազատներին 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Շատ համեղ տեսք ունի,ուզում եմ պատրաստել,բայց աեդպես ել չհասկացա ելակի օշարակը որտեղ օգտագործվեց?
Բարև Ձեզ: Օշարակն օգտագործեք բիսկվիթը խոնավեցնելու համար 🙂
Շնորհակալություն
Nereceq isk koxqer@ torti inchpes enq asum mus@ ete tort@ dzevamani mej e??
Մարիաննա ջան, տվյալ դեպքում տորթի ձևամանը մի փոքր ավելի մեծ տրամագծով է եղել, քան բիսկվիթը, ուստի առաջացել է կողքերի այդ մուսսային հատվածը:
Իսկ եթե չունենք 2 չափի ձևաման, ապա կարող եք բիսկվիթի ծայրերից մի փոքր կտրել, որպեսզի բիսկվիթը ձևամանի տրամագծից փոքր լինի: