Չափաբաժինները` 2-4

1. Հավի փափկամիսը սառը ջրով լվանում ենք, որից հետո չորացնում ենք։ Այնուհետև հավի փափկամիսը ոսկրհան ենք անում և սննդային փաթեթով ծածկում (2 փափկամսերը առանձին փաթեթների մեջ ենք դնում )։ Միս ծեծելու սարքով հավի փափկամիսը առավելագույնս բարակացնում ենք։ Ծեծած փափկամիսը կտրատում ենք նույն լայնության ձողիկներով։ Վրան աղ ենք անում և որոշ ժամանակով հանգիստ ենք թողնում։
   
2. Մեկ ամանի մեջ ենք լցնում ալյուրը, աղն (մոտ 1/2 թ/գդ) ու պղպեղը։ Մեկ այլ ամանի մեջ ենք լցնում 2 հատ ձուն, հարում ենք։ Երրորդ ամանի մեջ ենք լցնում պաքսիմատը։
   
3.  Հավի ձողիկներից յուրաքանչյուրը ալյուրի մեջ թաթախում ենք։ Այնուհետև ընկղմում ենք ձվով զանգվածի մեջ։
   
4. Վերջում թաթախում ենք պաքսիմատի մեջ։
   
5. Թավայի մեջ բուսայուղ ենք լցնում և միջին ուժեղության կրակի վրա տաքացնում ենք։ Ձողիկը յուրաքանչյուր կողմից 2-3 րոպե տապակում ենք և կրակի վրայից վերցնում։
   
6. Բարի ախորժակ։