- Yield: 3 ժամ անց
- Prep Time: 30 minutes
- Cook Time: 12 minutes
Մարմարե թխվածքաբլիթներ
Բաղադրիչներ
- Բաց գույնի խմորի համար՝
- կարագ - 300 գր (սենյակային ջերմաստիճանի)
- շաքարի փոշի - 150 գր
- ձու - 5 հատ (դեղնուց)
- վանիլին - 1/2 թ/գդ
- նարինջ - 1/2 թ/գդ (կեղև)
- աղ - 1/4 թ/գդ
- ալյուր - 400 գր
- Շոկոլադե խմորի համար՝
- կարագ - 160 գր
- շաքարի փոշի - 75 գր
- նարինջ - 1/3 թ/գդ(կեղև)
- ձու - 2 հատ (դեղնուց)
- վանիլին - 1/2 թ/գդ
- ալյուր - 200 գր
- կակաո - 30 գր
- աղ - 1 պտղունց
Քայլերի հաջորդականություն
- Պատրաստում ենք բաց գույնի խմորը։ Կարագը շաքարի փոշու և նարնջի կեղևի հետ հարում ենք մինչև կրեմանման զանգված ստանանք։
- Աստիճանաբար ավելացնում ենք վանիլինն ու դեղնուցները, յուրաքանչյուր դեղնուցն ավելացնելուց հետո լավ խառնում ենք։ Ավելացնում ենք աղն ու ալյուրը և խմոր հունցում։
- Խմորը 4 հավասար մասերի ենք բաժանում և յուրաքանչյուր մասից ուղղանկյունի ձևավորում` 10x15 սմ չափի։ Այնուհետև սննդային փաթեթով փաթաթում ենք և տեղափոխում սառնարանը։
Նույն սկզբունքով պատտրաստում ենք նաև շոկոլադե խմորը` միայն թե ի տարբերություն բաց գույնի խմորի, այստեղ կակաո ենք ավելացնում։
- Այն 2 մասի ենք բաժանում և նույնպես տեղափոխում սառնարանը։ Այնքան ենք սառեցնում, որ հնարավոր լինի գրտնակել։ Այդ գործընթացն արագացնելու համար կարող ենք սառցախցիկի մեջ դնել խմորը։ Հաջորդաբար 3մմ հաստությամբ ուղղանկյունաձև գրտնակում ենք 2 հատ շոկոլադե և 3 հատ բաց գույնի խմորները։ Ավելի հեշտ կլինի խմորը դնել յուղաթղթերի միջև, ապա գրտնակել։
- Այնուհետև շերտերն իրար վրա ենք դնում` սպիտակ, շոկոլադե,սպիտակ, շոկոլադե, սպիտակ։
- Ռուլետատիպ փաթաթում ենք և մի քիչ սեղմում։ Մեջտեղից ծալում ենք և կրկին սեղմում։ Գլանաձև տեսք ենք տալիս։
Խմորի վերջին մասը ուղղանկյունաձև գրտնակում ենք և գլանաձև խմորը դնում մեջն ու փաթաթում։ Սննդային փաթեթի մեջ ենք դնում և տեղափոխում սառցախցիկը, թողնում ենք այնքան, մինչև հնարավոր լինի այն կտրել։
- 5մմ հաստությամբ կտորներ ենք կտրում և դնում յուղաթղթով տապակի մեջ։
- Թխում ենք մոտ 12 րոպե նախապես մինչև 180 աստիճան տաքացրած ջեռոցում։
Սառեցնում ենք և մատուցում։
Մթերքի այս քանակությունից ստացվում է 60 թխվածքաբլիթ։
Ձեզ կարող է հետաքրքրել նաև
Թողնել պատասխան
Մուտք եղեք:
БРАВО!!!
Xmori verjin masn vonc grtnakenq?
Բարև Ձեզ, խմորի վերջին մասն ուղղանկյունաձև գրտնակում ենք և գլանաձև խմորը դնում մեջն ու փաթաթում 🙂