- Yield: 30 րոպե անց
- Prep Time: 25 minutes
- Cook Time: 25 minutes
Շերտավոր խմորով կարկանդակներ մսային միջուկով
Բաղադրիչներ
- միս տավարի (աղացած) - 450 գր
- սոխ - 1 գլուխ
- սխտոր - 2 պճեղ
- կարտոֆիլ - 250 գր (խյուս)
- պատրաստի շերտավոր խմոր - 500 գր
- աղ - ըստ ճաշակի
- պղպեղ սև - ըստ ճաշակի
- բուսայուղ - տապակելու համար
- ձու - 1 հատ
Քայլերի հաջորդականություն
- Սոխն ու սխտորը մանր կտրատում ենք: Սոխը միջին ուժգնության կրակի վրա բուսայուղով 2-3 րոպե տապակում ենք մինչև փափկելը, հետո ավելացնում ենք աղացած միսն ու սխտորը: Կրակն ուժեղացնում ենք, տապակում ևս 3-4 րոպե, մինչև խճողակի գույնի փոխվի: Վերջում աղ ու պղպեղ ենք ցանում, խառնում ենք ու կրակից վերցնում:
Խճողակի մեջ լցնում ենք նախապես պատրաստած կարտոֆիլի խյուսը և խառնում այնքան, մինչև համասեռ զանգված ստացվի:
- Ջեռոցը 180 աստիճան տաքացնում ենք և տապակի մեջ յուղաթուղթ փռում: Շերտավոր խմորն ուղղանկյուն գրտնակում ենք և խորանարդաձև համաչափ կտրատում (մեկ խմորից մոտավորապես 12 կարկանդակ է ստացվում):
Յուրաքանչյուր խորանարդն ուղղանկյուն գրտնակում ենք և մի կողմում լցնում մոտավորապես մեկ ճաշի գդալ միջուկ:
- Ուղղանկյան մյուս կողմը վրա ենք բերում և եզրերը լավ ամրացնում, որպեսզի թխվելիս չբացվեն: Եզրերը պատառաքաղով սեղմում ենք, որպեսզի կարկանդակը և՛ ավելի ամուր փակվի, և՛ ավելի գեղեցիկ լինի:
- Շարում ենք տապակի մեջ: Ձուն թեթևակի հարում ենք ու վրձնով քսում կարկանդակների երեսին: Կարկանդակների վրա 2-3 կտրվածքներ ենք անում, որպեսզի օդը դուրս գա, և կարկանդակները հավասարաչափ բարձրանան: Թխում ենք 180 աստիճանում 25 րոպե, ջեռոցի միջին մակարդակում:
- Հովացնում ենք ու մատուցում թեյի հետ:
Շերտավոր խմորով կարկանդակներ պատրաստելը և հեշտ է, և շատ համեղ 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Pordzel e petq
Փորձեք և կիսվեք արդյունքով 🙂