- Yield: 1 ժամ անց
- Prep Time: 30 minutes
- Cook Time: 20 minutes
Շոկոլադե բրիոշ
Բաղադրիչներ
- Օպարայի համար՝
- ալյուր - 1/2 բաժակ
- խմորիչ - 1ճ/գդ
- կաթ - 1/2 բաժակ (տաք)
- Խմորի համար՝
- ալյուր - 3 բաժակ
- ձու - 5 հատ
- շաքարավազ - 1ճ/գդ
- աղ - 1/4թ/գդ
- կարագ - 220գր (փափկած)
- Շոկոլադե միջուկի համար (կարելի է փոխարինել նուտելլայով)՝
- կաթ - 2/3բաժակ
- շաքարավազ - 1/2 բաժակ
- ձվի սպիտակուց - 2 հատ
- ալյուր - 6ճ/գդ
- կակաո - 6ճ/գդ
- կարագ - 3ճ/գդ
Քայլերի հաջորդականություն
- Օպարայի պատրաստումը: Բաժակում խառնել օպարայի համար նախատեսված բոլոր բաղադրիչները, ապա ծածկել ցելոֆանով և թողնել այդպես 30-45րոպե:
- Խմորի պատրաստումը: Հարիչի ամանի մեջ լցնել օպարան, ձվերը և հարել: Առանձին ամանի մեջ լցնել ալյուրը, աղը և շաքարավազը, խառնել, ապա լցնել օպարայով լցված հարիչի ամանի մեջ և հարել 2րոպե: Թողնել հանգստանալ 5 րոպե, որից հետո վրան մաս առ մաս ավելացնել կարագը՝ գդալով խառնելով ամբողջ զանգվածը: Պետք է ստացվի փափուկ միատարր խմոր: Փակել խմորը ցելոֆանով և տեղափոխել սառնարան 4-6ժամով:
- Շոկոլադե միջուկի պարաստումը: Տաքացնել կաթը: Սպիտակուցները, շաքարավազը, կակաոն և ալյուրը խառնել, այնուհետև վրան լցնել կաթը՝ չմոռանալով անընդհատ խառնելը այդ ընթացքում:Լցնել ստացված զանգվածը կաթսայի մեջ և եփել միջին կրակի վրա մինչև պնդանալը: Հանել կրակի վրայից, ավելացնել կարագը, խառնել մինչև վերջինիս լուծվելը: Լցնել ամանի մեջ և տեղափոխել սառնարան մինչև ամբողջությամբ սառչելը:
- Բրիոշների պատրաստումը: Պատրաստման ընթացքը շատ նման է շերտավոր խմորի պատրաստմանը: Սեղանի վրա պետք է շաղ տալ մի քիչ ալյուր, ապա գրտնակով ուղղանկյունաձև բացել խմորը, վրան տարածել միջուկը:
- Այնուհետև ծալել խմորը 2 կողմից:
- Կրկին գրտնակով հարթեցնել խմորը, այնուհետև կրկին ծալել և ուղղանկյունաձև գրտնակել:
- Ռուլետի նման փաթաթել խմորը, ապա սուր դանակով բաժանել 12 մասի:
- Ուղղահայց տեղավորել կեքսերի համար նախատեսված ձևամանների մեջ կամ պարզապես նեղ երկար տապակի մեջ: Թողնել այդպես 30-45 րոպե խմորը հանգստանա:
- Եփել ջեռոցում 15-20րոպե 180 աստիճանում:
Բաղադրիչների այս քանակությունը հաշվարկված է 12 հատ սքանչելի շոկոլադե բրիոշ ստանալու համար:
Ձեզ կարող է հետաքրքրել նաև
Թողնել պատասխան
Մուտք եղեք:
shat hamex e
Ուրախ ենք, որ Ձեզ դուր է գալիս 🙂
եթե միջուկը նշված բաղադրիչներով շատ պինդ է ստացվում, կարող ենք կաթը մի քիչ ավելի շատ լցնել?
Սիրելի Քնարիկ, պետք է ստացվի այնպիսի պնդության խմոր, որ հնարավոր լինի գրտնակով բացել։ Փորձեք մի քիչ կաթ ավելացնել, բայց այնքան, որ խմորը չկորցնի իր պնդությունը։ ։)
Խմորի մասին չեմ խոսում։ Երբ միջուկը եփում եմ խմորի պնդության է ստացվում։ Այդ դեպքում ինչ է պետք անել?
Սիրելի Քնարիկ, հավանաբար դա պայմանավորված է կակաոյի խտությամբ։ Պետք է ստացվի խմորից մի փոքր թույլ միջուկ, որպեսզի հնարավոր լինի գրտնակել խմորի հետ միասին։ Փորձեք մի քիչ կաթ ավելացնել, բայց այնքան, որ շատ թույլ չստացվի ։)