- Yield: 1 ժամ անց
- Prep Time: 20 minutes
- Cook Time: 20 minutes
Շոկոլադե մինի ռուլետներ
Բաղադրիչներ
- Խմորի համար՝
- ձու - 3 հատ
- ալյուր - 2ճ/գդ
- կակաո - 2ճ/գդ
- փխրեցուցիչ - 1/2թ/գդ
- շաքարավազ - 2ճ/գդ
- Միջուկի համար՝
- պանիր մասկարպոնե - 200գր (կարելի է փոխարինել կաթնաշոռով)
- կարագ - 100գր
- շաքարի փոշի - 2ճ/գդ
- Վրան շաղ տալու համար՝
- շաքարի փոշի - 1/2ճ/գդ
- դարչին - 1/2ճ/գդ
Քայլերի հաջորդականություն
- Առանձնացնել ձվի սպիտակուցը դեղնուցից: Սպիտակուցին ավելացնել շաքարավազը և հարել մինչև փրփուրի առաջացումը: Ավելացնել նաև դեղնուցները և շարունակել հարելը:
- Առանձին ամանի մեջ խառնել ալյուրը, կակաոն և փխրեցուցիչը, ապա անցկացնել մաղով: Մաս առ մաս լցնել ձվով զանգվածի վրա և զգուշությամբ խառնել մինչև միատարր հարթ խմորի առաջացումը:
Ստացված խմորը լցնել պերգամենտային թղթով պատված տապակի վրա: Թխել ջեռոցում 10 րոպե 200 աստիճանում:
- Պատրաստի բիսկվիթը զգույշ շրջել խոնավ սրբիչի վրա: Պերգամենտային թուղթը նույնպես խոնավեցնել շատ քիչ, ապա զգուշությամբ առանձնացնել բիսկվիթից:Կտրել բիկսվիթը 2 մասի:
- Ապա բիսկվիթները սրբիչով զգույշ փաթաթել ռուլետի նման, որպեսզի թեթևակի կլորանան: Թողնել բիսկվիթները սառչեն այդ վիճակում:
- Կրեմի պատրաստման համար լավ հարել միջուկի համար նախատեսված բոլոր բաղադրիչները մինչև միատարր հարթ զանգվածի առաջացումը:
Այնուհետև բիսկվիթների ողջ տարածքով տարածել կրեմը:
- Ռուլետի նման փաթաթել և տեղափոխել սառնարան 1 ժամով:
- Պատրաստի ռուլետները կտրատել: 1/2ճ/գդ դարչինը և շաքարավազը խառնել և շաղ տալ մինի ռուլետների վրա:
Ի դեպ, որպես այլընտրանքաին տարբերակ այս մինի ռուլետները կարելի է պատրաստել ցանկացած այլ միջուկով՝ Ձեր սիրելի կրեմով, ջեմով կամ մրգային խյուսով:
Կարծում եմ, այս ռուլետները պարզապես հիանալի կնայվեն հատկապես ֆուրշետային սեղաններին՝ իրենց փոքրիկության և նրբաճաշակության հաշվին 🙂
Ձեզ կարող է հետաքրքրել նաև
Թողնել պատասխան
Մուտք եղեք:
inche nshanakum pxrecucich?
Սիրելի Հերմինե
Փխրեցուցիչ=разрыхлитель теста
Վաճառվում է բոլոր խանութներում վանիլինի և այլ համեմունքերի բաժնում: Հեշտությամբ կարող եք այն ձեռք բերել:
Ծայրահեղ դեպքում փխրեցուցիչ կարող եք տան պայմաններում էլ պատրաստել: Դրա համար պետք է խառնեք 4թ/գդ ալյուրը, 2թ/գդ սոդան և 1թ/գդ լիմոնի աղը: Այնուհետև օգտագործեք տվյալ թխվածքի համար նախատեսված չափաքանակը:
Փխրեցուցիչը օգնում է թխվածքին ավելի լավ բարձրանալ, ունենալ նուրբ և թեթև կառուցվածք: 🙂
Shat hamexh e
Прекрасный рецепт
Kaseq maskarpone panir@ vorn e?
Մասկարպոնեն դա իտալական պնրի տեսակ է, որը հիմնականում օգտագործում են թխվածքների կրեմների մեջ 🙂