- Yield: 4-5 ժամ անց
- Prep Time: 30-35 minutes
- Cook Time: 50-55 minutes
Շոկոլադե պիրոգ շոկոլադե կրեմ-մուսսով
Բաղադրիչներ
- Խմորի համար՝
- կարագ - 300 գր
- ձվի դեղնուց - 80 գր (մոտ 4 հատ)
- ալյուր - 500 գր
- կակաո - 10 գր
- շաքարի փոշի - 200 գր
- աղ - 1 պտղունց
- Կրեմ-մուսսի համար՝
- կաթ - 1 լ
- շոկոլադ սև - 150 գր
- շաքարավազ - 150 գր
- կակաո - 70 գր
- օսլա (крахмал) եգիպտացորենի - 100 գր
- բալ - 150 գր (սառեցված)
Քայլերի հաջորդականություն
- Պատրաստում ենք կրեմ-մուսսը. օսլան 150 մլ կաթի մեջ ենք լցնում, և խառնում` մինչև գնդիկներից ազատվենք։
- Կաթսայի մեջ ենք լցնում շաքարավազն ու 200 մլ կաթը, դնում ենք կրակի վրա։ Տաքացնում ենք մինչև մոտավորապես 90 աստիճան (գրեթե եռման աստիճանի)։
- Կրակից վերցնում ենք և ավելացնում կտրատած շոկոլադն ու մաղած կակաոն։ Այդ ամենը լավ խառնում ենք։
- Կաթսան դնում ենք կրակի վրա, ավելացնում ենք 650 մլ կաթը և, հանգամանորեն խառնում ենք, որպեսզի գնդիկներ չմնան։
- Ավելացնում ենք օսլայով և կաթով զանգվածը և եփում ենք մինչև թանձրանա։ Ահա այսպիսի նուրբ կրեմ-մուսս է ստացվում։
- Կրեմ-մուսսով կաթսան դնում ենք սառը ջրի մեջ և ամբողջությամբ սառեցնում ենք։ Կրեմ մուսսը սառելուց հետո ավելացնում ենք բալը (եթե սառեցված է, հալեցնում ենք), խառնում ենք, սննդային փաթեթով ծածկում և տեղափոխում սառնարանը։
- Պատրաստում ենք խմորը.
Բոլոր չոր բաղադրիչները (ալյուրը, կակաոն և շաքարի փոշին) մաղում ենք և խառնում իրար։ Անպայման շաքարի փոշի ենք վերցնում, որպեսզի խմորի մեջ շաքարավազի չլուծված հատիկներ չմնան։ Ավելացնում ենք աղը, դեղնուցները և կարագը։ Ձեռքերով խմոր ենք հունցում, այնուհետև գնդում ենք, սննդային փաթեթով կիպ փաթաթում և 2 ժամով տեղափոխում սառնարանը։
- Նշված ժամանակի ավարտից հետո, խմորը սառնարանից հանում ենք, մոտ 2/3 մասը գրտնակում ենք և տեղափոխում յուղաթղթափատ 24 սմ տրամագծով ձևամանի մեջ։
- Խմորի վրա ենք լցնում կրեմ-մուսսը, իսկ մնացած խմորով տորթի վերևամասն ենք ձևավորում` ըստ երևակայության։ Այնուհետև ձևամանը տեղափոխում ենք 180 աստիճան տաքացրած ջեռոցի մեջ և 50-55 րոպե թխում ենք։ Թխվելու ընթացքում տորթի բույրը ամբողջ բնակարանով մեկ է տարածվում։
- Մատուցելուց առաջ պիրոգը սառեցնում ենք, բայց ավելի լավ կլինի սննդային փաթեթով ծածկել և գիշերը սառնարանում թողնել։
Եթե շոկոլադի սիրահար եք, ապա այս տորթը իսկը Ձեզ համար է։ Նուրբ խմոր` համադրված շոկոլադե կրեմ մուսսի հետ, իսկ բալը հետաքրքիր համ է հաղորդում աղանդերին 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Ուխխխխ ինչ լավ բաղադրատոմս է.
Շնորհակալություն cooks.am կայք. Ձեր կայքն ամենալավն է
Հարգելի Լուսինե, շատ ուրախ ենք, որ Ձեզ դուր է եկել 🙂