Պահածո նարնջի կեղևից

Կարդալ հետո

Նարնջի կեղևը խորանարդաձև կտրատում ենք, լցնում ենք ջրի մեջ ու եռացնում ենք 5 րոպե:
Եռացնելուց հետո դատարկում ենք կաթսայի ջուրը՝ թողնելով միայն կեղևը:
Կեղևը նորից լցնում ենք ջրի մեջ ու հասցնում եռման աստիճանի: Այս գործողությունը կրկնում ենք ևս մեկ անգամ: Դա օգնում է վերացնել դառնությունը:
Մեկ այլ կաթսայի մեջ լցնում ենք 1 բաժակ ջուրը, 1 բաժակ նարնջի հյութը, 2 բաժակ շաքարավազը, դնում ենք կրակի վրա և հասցնում ենք եռման աստիճանի: Եփում ենք 10 րոպե՝ անընդհատ խառնելով:
Անուշահյութի մեջ լցնում ենք նարնջի կեղևը և կիտրոնի հյութը:
Եփում ենք միջին կրակի վրա այնքան, մինչև ստացվի պինդ զանգված: Այնուհետև տաք վիճակում լցնում ենք բանկաների մեջ, ամուր փակում ենք կափարիչով: