- Yield: Անմիջապես
- Prep Time: 30 minutes
- Cook Time: 35 minutes
Սնկով կրեմ-ապուր
Բաղադրիչներ
- սունկ շամպինիոն - 500 գր
- սերուցք 30-35% յուղայնությամբ - 300 մլ
- կարագ - 2 ճ/գդ
- ալյուր - 3 ճ/գդ
- ձիթայուղ - 2 ճ/գդ
- սխտոր - մի պճեղ
- աղ - ըստ ճաշակի
- պղպեղ սև - ըստ ճաշակի
- ծիտրոն - 1-2 ճյուղ
Քայլերի հաջորդականություն
- Շամպինիոնները հոսող ջրով արագ լվանում ենք, ոտիկներն ու գլխիկներն առանձնացնում: Ոտիկները մանրացնում ենք, գլխիկները սկավառակաձև կտրատում:
- Մանրացրած ոտիկները լցնում ենք 1 լ սառը ջրով կաթսայի մեջ, ավելացնում մի ճյուղ ծիտրոն, մի պճեղ չմաքրած սխտոր: Եփում ենք փակ կափարիչով, եռման պահից սկսած հաշվելով 30 րոպե:
- Մեծ թավայի մեջ տաքացնում ենք ձիթայուղի մեկ երրորդ մասը, մեջը լցնում ենք գլխիկները, աղ ենք ցանում և փակ կափարիչով տապակում 5 րոպե: Սնկերը ջուր են դուրս տալիս, որը պետք է լցնել կաթսայի մեջ, որտեղ ոտիկներն են եփվում: Ավելացնում ենք մնացած ձիթայուղն ու շարունակում տապակել ևս 10 րոպե:
Տապակած գլխիկները կաթսայի մեջ լցնում ենք ապուրը եփելու ժամանակը լրանալուց 5 րոպե առաջ: Ծոթրինն ու սխտորը հանում ենք, մոտ 1 բաժակ արգանակ վերցնում ու պահում:
- Կարագը թավայի մեջ հալեցնում ենք, ալյուրն անընդհատ խառնելով բովում 3-4 րոպե:
- Ձեռքի հարիչով անընդհատ խառնելով՝ քիչ-քիչ լցնում ենք մի կողմ դրած արգանակը: Պետք է ստացվի թթվասերի նման խառնուրդ: Անհրաժեշտության դեպքում արգանակ ենք ավելացնում ու մարմանդ կրակին եփում 7-10 րոպե, մինչև խտանալը:
Ապուրը լցնում ենք բլենդերի մեջ, ավելացնում թանձրուկն ու տրորում այնքան, մինչև ստացվի կրեմանման զանգված:
- Ապուրը լցնում ենք կաթսայի մեջ, դնում կրակին, եռալուն պես ավելացնում սերուցքը: Խառնում ենք, տաքացնում՝ թույլ չտալով եռալ:
- Համեմում ենք աղով ու պղպեղով:
- Մատուցում ենք տաքացրած ափսեների մեջ լցրած:
Կրեմ-ապուր մատուցելիս կարելի է ափսեները զարդարել թարմ շամպինիոնի կտորներով ու սիրված համեմունքներով 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Shnorhakal em baxadratomsi hamar, iroq shat hamex stacvec))) kuzenai tesnel nayev hamex chorahac patrastelu vorevice tarberak.
Սիրելի Սոնա, շատ ուրախ ենք, որ համեղ է ստացվել: Շնորհակալ ենք մեզ հետևելու համար: Չորահացի պատրաստման բաղադրատոմս դեռ չունենք, սակայն շուտով կհամալրենք մեր բաղադրատոմսերի ցանկը նաև չորահացի պատրաստման տարբեր եղանակներով: 🙂