- Yield: 20 րոպե անց
- Prep Time: 40 minutes
- Cook Time: 55 minutes
Տնական փախլավա
Բաղադրիչներ
- Խմորի համար՝
- կաթ - 75 մլ
- խմորիչ - 3գր
- շաքարավազ - 3 գր
- ալյուր - 250 գր
- ձու - 1 հատ
- աղ - 1/4 թ/գդ
- թթվասեր - 75 գր
- կարագ - 25 գր
- Միջուկի համար՝
- ընկույզ - 130 գր
- դարչին - 1/2 թ/գդ(աղացած)
- շաքարի փոշի - 125 գր
- Օշարակի համար՝
- ջուր - 50 մլ
- մեղր - 75 գր
- Վրան քսելու և դնելու համար՝
- կարագ - 60գր
- ընկույզ - 50գր
- ձու - 1/2 հատ
Քայլերի հաջորդականություն
- Տարայի մեջ խառնում ենք կաթը, խմորիչը և շաքարավազը։ 10 րոպե հանգիստ ենք
թողնում։
- Մեկ այլ տարայի մեջ խառնում ենք ալյուրը, հալեցրած սերուցքային կարագը, ձուն,
թթվասերը և աղը։
- Այդ զանգվածը թեթևակի խառնում ենք։
- Այնուհետև ավելացնում ենք հասունացած խմորիչը և փափուկ խմոր ենք հունցում։
Խմորը թողնում ենք տարայի մեջ, սրբիչով ծածկում ենք և 1,5 ժամով տաք տեղ
դնում։
- Այդ ընթացքում պատրաստում ենք ընկուզային միջուկը։ Ընկույզը ջեռոցում
բովում ենք, այնուհետև բլենդերով մանրացնում։ Ավելացնում ենք շաքարի փոշին,
դարչինը և լավ խառնում ենք։
- Հասունացած խմորը բաժանում ենք 13 հավասար մասերի, որից երկուսը միացնում ենք իրար։ Այսինքն ստանում ենք 11 հավասար մասեր և մեկ մեծ մաս։
- Մեծ խմորը 1 մմ հաստությամբ շերտով բացում ենք և դնում բուսայուղով պատված
ձևամանի մեջ:
- Հալեցնում ենք կարագը (մոտ 2 թ/գդ) և քսում շերտի վրա։ Վրան դնում ենք հաջորդ շերտը։
- Շերտը կարագով պատում ենք և վրան լցնում միջուկի 1/10 մասը։
- Այդ նույն գործողությունը 9 անգամ կրկնում ենք։ Նկարի վրա տեսնում ենք 10-րդ
շերտը` յուղով պատված և վրան ընկուզային միջուկ։ Սա վերջին շերտն է, որի վրա
պետք է միջուկ լինի։
- Այդ շերտի վրա դնում ենք ևս մեկ շերտ և վրան կարագ ենք քսում։
- Ձևամանի պատերին կպած խմորը կտրում ենք`թողնելով մոտ 2 սմ։ Կողքերի խմորը
բերում ենք խմորի վրա։
- Ծայրերը պատում ենք հարած ձվով։
Վրայից դնում ենք վերջին շերտը և պատում մնացած ձվով։
- Այժմ մեր փախլավան շեղանկյունաձև կտրատում ենք(մինչև վերջ չենք կտրում խմորը, որ միջուկը մեջը մնա)։
- Յուրաքանչյուր շեղանկյան վրա դնում ենք 1 հատ ընկույզ։ Ընկույզը մի քիչ պետք է
խմորի մեջ սեղմենք, որպեսզի թխվելու ընթացքում խմորը չշերտավորվի։
- Թխում ենք 15 րոպե 180 աստիճանում։
Հալեցրած կարագը լցնում ենք փախլավայի վրա(կպած հատվածները դանակով կտրում ենք, և այդ անցքերով կարագ լցնում)։ Կարագի մի մասը վերևից ենք լցնում։ Այնուհետև 25 րոպեով փախլավան կրկին ջեռոցն ենք տեղափոխում ։
- Այդ ընթացքում պատրաստում ենք մեղրով օշարակը։ Մեղրի վրա տաք ջուր ենք լցնում և այնքան խառնում մինչև համասեռ զանգված ստանանք։ Փախլավան հանում ենք ջեռոցից և վրան լցնում պատրաստած օշարակի 1/3 մասը։ Ինչպես կարագի դեպքում այստեղ նույնպես, մեղրի մի մասը լցնում ենք վրայից, մյուս մասը լցնում ենք անցքերի մեջ։ Փախլավան 10 րոպեով նորից տեղափոխում ենք ջեռոցը։
- Թողնում ենք փախլավան սառչի։ Այնուհետև հանում ենք ձևամանից ,մինչև վերջ կտրում և յուրաքանչյուր շեղանկյունը 2-3 վայրկյանով թաթախում մնացած մեղրով օշարակի մեջ։ 15-20 րոպե հանգիստ ենք թողնում, այնուհետև համտեսում։ Բարի ախորժակ։
Փախլավա. նուրբ խմոր, ընկուզային միջուկ, մեղր և մի քիչ համբերություն 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Karox eq amanori kamiki demqow inchwor ban arajarkel
Նելլի ջան շուտով մեզ մոտ կտեղադրվեն կապիկի դեմքով աղանդեր հետևեք մեր էջին 🙂
Anpayman khetwem shnorhakalutyun
🙂
Բոլոր ուտեստները ,որոնք տեղադրված են կայքում դուք եք պատրաստել?
շատ գեղեցիկ են և աղորժելի:)
mer naxagahi demkicel sirun kapik
Barev dzez, sherteri vra qsvox karagi chapy yst indz shat qicheq nshel , ete bolor sherteri vra petqe qsvi 60 gramic hastat avele petq..
Եթե ձևամանը մեծ է, կարող եք ավելի շատ կարագ վերցնել 🙂
Լավ)
Isk dzevamani chapery kaseq?
Բարև Ձեզ, կարող եք 26, 28 սմ-անոց ձևամանով պատրաստեք 🙂
barev Dzes karox em mi harc tam kat 75 ml, inchqana galis??? mi bajakic avela te vonc??? naxapet shnor akalutyun
Բարև Ձեզ, 1 բաժակ կաթը 250 գր է, իսկ այստեղ կարող եք կարդալ ավելի մանրամասն՝
http://www.cooks.am/interest/%D5%B4%D5%A9%D5%A5%D6%80%D6%84%D5%B6%D5%A5%D6%80%D5%AB-%D5%AF%D5%B7%D5%BC%D5%AB-%D6%87-%D5%AE%D5%A1%D5%BE%D5%A1%D5%AC%D5%AB-%D5%A1%D5%B2%D5%B5%D5%B8%D6%82%D5%BD%D5%A1%D5%AF/