- Yield: 3-4 ժամ անց
- Prep Time: 35 minutes
- Cook Time: 1ժ 10 րոպե
Տորթ «Միկադո»
Բաղադրիչներ
- Շոկոլադե կրեմի համար՝
- կաթ - 400 մլ
- շաքարավազ - 150 գր
- վանիլին - 1 թ/գդ
- կակաո - 4 ճ/գդ
- ալյուր - 2 ճ/գդ
- ձու - 2 հատ
- կարագ - 200 գր
- խտացրած կաթ եփված - 1.5 տուփ
- Շերտերի համար՝
- կարագ - 100 գր
- ձու - 2 հատ
- թթվասեր - 1.5 բաժակ
- սոդա - 1 թ/գդ
- ալյուր - 4 բաժակ
- Սերուցքային կրեմի համար՝
- սերուցք 30-35% յուղայնությամբ - 350 մլ
- խտացրած կաթ եփված - 0,5 տուփ
- Ջնարակի համար՝
- շոկոլադ սև - 100 գր
- կարագ - 40 գր
- սերուցք 30-35% յուղայնությամբ - 80 մլ
Քայլերի հաջորդականություն
- Պատրաստում ենք շոկոլադե կրեմը: Կաթը լցնում ենք կաթսայի մեջ, ավելացնում շաքարավազի կեսը (75 գր) և եռացնում: Խորը կաթսայի մեջ խառնում ենք շաքարավազի մյուս մասը (75 գր), կակաոն, ալյուրն ու վանիլինը: Ավելացնում ենք ձվերն ու խառնում մինչև ստանանք համասեռ զանգված:
Քիչ-քիչ ավելացնում ենք տաք կաթով լի զանգվածը՝ թիակով արագ-արագ խառնելով, որպեսզի ձվերը չմակարդվեն: Խառնուրդը լցնում ենք ամանի մեջ և դնում կրակին:
Եփելիս անընդհատ խառնում ենք, մինչև կրեմը խտանա (5-10 րոպե): Տաք կրեմի մեջ ենք լցնում սենյակային ջերմաստիճանի կարագը (100 գր) և խառնում մինչ այն հալչի: Կրեմը ծածկում ենք թաղանթով այնպես, որ այն կիպ կպչի կրեմին և թողնում ենք, որ լավ հովանա:
Սենյակային ջերմաստիճանի կարագը (100 գր) լավ հարում ենք, ավելացնում եփած խտացրած կաթն ու շարունակում հարել մինչև համասեռ դառնալը: Անդադար հարելով քիչ-քիչ ավելացնում ենք լավ հովացած շոկոլադային եփովի կրեմը:
Պատրաստում ենք շերտերը: Կարագը թիակով հարում ենք, ձվերը պատառաքաղով թեթևակի հարում ենք ու ավելացնում կարագի վրա: Թթվասերի մեջ սոդա ենք լցնում և զանգվածն ավելացնում ձվային խառնուրդին: Լավ խառնում ենք և քիչ-քիչ ավելացնում ալյուրը:
- Պատրաստի խմորը բաժանում ենք 13-14 մասի, ծածկում թաղանթով ու դնում սառնարանի մեջ (սառեցրած խմորի հետ աշխատելն ավելի հեշտ է): Խմորի գնդերը սառնարանից հերթով հանում ենք և 20-23 սմ տրամագծով գրտնակում:
Գրտնակելուց հետո հանում ենք թղթի վերին շերտը, խմորի վրա ափսե ենք դնում և շրջան կտրում (ավելացած մասերը կարելի է շրջանի հետ թխել): Ջեռոցը տաքացնում ենք 200 աստիճան ու շերտերը հերթով 5-7 րոպե թխում ենք (թխելուց առաջ պետք է խմորը պատառաքաղով ծակծկել, որպեսզի վերջինս շատ չուռչի): Ջեռոցից հանելուց հետո շերտերը դնում ենք հարթ մակերևույթի վրա:
- Հավաքում ենք տորթը: Ձևամանի մեջ թաղանթ ենք փռում, տորթի շերտերին հերթով կրեմ քսում ու դնում իրար վրա: Վերջում ծածկում ենք թաղանթով և թողնում 24 ժամ, որպեսզի կրեմը ներծծվի:
- Պատրաստում ենք սերուցքային կրեմը: Սառեցրած սերուցքը թեթևակի հարում ենք, ավելացնում խտացրած կաթը: Ստացվում է հիանալի կրեմ:
- Տորթի ողջ մակերևույթին այս կրեմից ենք քսում և տորթը տեղափոխում սառնարանը:
- Պատրաստում ենք շոկոլադե ջնարակը: Տորթի համար իդեալական ջնարակ ստանալու համար պետք է շոկոլադը գոլորշու վրա հալեցնել: Այդ նպատակով կաթսայի մեջ մի քիչ ջուր ենք լցնում, դնում կրակին ու եռացնում: Ջուրը եռալուն պես կրակը թուլացնում ենք, կաթսայի վրա դնում մեծ աման, մեջը լցնում շոկոլադն ու կարագը: Ջուրը պետք է ոչ թե եռա, այլ տաքացնի ամանը: Շոկոլադն ու կարագը լավ խառնում ենք, մինչև ստացվի համասեռ, փայլուն ու խիտ զանգված:
Միկրոալիքային վառարանում կամ այլ ամանի մեջ տաքացնում ենք սերուցքը (չենք եռացնում) և լցնում շոկոլադի մեջ (խառնուրդի մեջ գնդիկներ են առաջանում, բայց պետք չէ շփոթվել, հարկավոր է շարունակել խառնելը, մինչև զանգվածը դառնա համասեռ):
Երբ ջնարակը դառնում է հարթ ու փայլուն, վերցնում ենք գոլորշու վրայից և թողնում հովանա:
- Տորթը սառնարանից հանում ենք և վրան ենք լցնում լավ հովացած ջնարակը: Ջնարակը, տորթի վրա լցնելիս, խտանում է, ուստի հարկավոր է դանակի օգնությամբ հարթեցնել մակերևույթն ու օգնել, որ այն կողքերից հոսի: Բարի ախորժակ:
Թթվասերային բարակ շերտերով ու շատ համեղ կրեմով միկադո տորթն ավանդական, սիրված ու հայտնի աղանդեր է, իսկ այն ուտելը՝ իսկական տոն 🙂
Ձեզ կարող է հետաքրքրել նաև
Թողնել պատասխան
Մուտք եղեք:
shat lav e
Շնորհակալ ենք 🙂
Hrashali e
Վայելեք 🙂
Շնորհակալություն 🙂