- Prep Time: 30 minutes
- Cook Time: 35 minutes
Տորթ «Շիկահեր»
Բաղադրիչներ
Քայլերի հաջորդականություն
- Նախապատրաստում ենք անհրաժեշտ բաղադրիչները։
- Կաթսայի մեջ հարում ենք ձուն ու շաքարավազը, ապա ավելացնում ենք սոդան, մեղրն ու փափկած մարգարինը։
- Զանգվածը խառնում ենք ու դնում թույլ կրակի վրա։ Անընդհատ խառնելով՝ եփում ենք 7 րոպե։
- Հանում ենք կրակի վրայից, թողնում ենք, որ սառչի, ապա ավելացնում ենք ալյուրն ու փորձում ենք ստանալ խմորագունդ։
- Խմորը բաժանում ենք 7 մասի՝ յուրաքանչյուրը վերածելով փոքրիկ խմորագնդի։
- Բացում ենք նուրբ ու բարակ խմորաշերտեր, որոնք կարելի է բացել հենց պերգամենտի վրա՝ շրջանաձև ափսեով ձևավորելով։ Ծայրերը հավասարեցնելիս ավելացած խմորները չենք թափում, քանի որ դրանք մեզ պետք են գալու ձևավորման համար։
- Խմորաշերտերը թխում ենք 180 աստիճան տաքացրած ջեռոցում այնքան, մինչև պատրաստ լինեն։
- Ավելացած խմորները թխում ենք, ապա վերածում փշուրների։
- Քանի դեռ խմորաշերտերը սառչում են, պատրաստում ենք կրեմը, որի համար անհրաժեշտ ձուն հարում ենք շաքարավազի հետ, ավելացնում ենք 2 ճ/գ ալյուր, ապա լցնում ենք կաթը։ Լավ խառնում ու դնում ենք կրակի վրա։ Եռալուց հետո խառնելով եփում ենք կես րոպե ու կրակի վրայից հանում ենք։
- Եփովի կրեմը թողնում ենք, որ սառչի, ապա ավելացնում ենք փափկած կարագն ու հարում ենք՝ վերածելով միասեռ զանգվածի։
- Խմորաշերտերը կրեմապատում ենք։
- Տորթի վերին ու կողային հատվածները զարդարում ենք խմորի փշուրներով կամ ցանկության դեպքում՝ նախընտրելի հատապտուղներով, որն այս դեպքում սև հաղարջն է։
Ահա մեր շիկահեր գեղեցկուհին։ Մատուցում ենք խնձորով թեյի կամ սուրճ էսպրեսոյի հետ։
Ձեզ կարող է հետաքրքրել նաև
Թողնել պատասխան
Մուտք եղեք:
Hecht ev hianali bacatrutyn, chnorhakalutyun karcum em vor chat hamex klini:)?
Սիրելի Իրինա, շնորհակալ ենք մեր աշխատանքը գնահատելու համար։ Անպայման փորձեք պատրաստել։ ։)
Այսպիսի բաղադրատոմսերում ինձ համար ամենադժվարը խմորը բացելն է պերգամենտի կամ թավայի վրա, չի ստացվում((