Խորովածը փափկեցնելու տարբերակներ

khorovatsy-papkecnelu-tarberakner-Glavnoe-foto

Քիչ տանտիրուհիներ կան, որ կարողանում են խորավածի միսն ինչպես հարկն է նախապատրաստել: Բայց կարծիք կա, որ նույնիսկ ամենապինդ միսը հնարավոր է փափուկ ու հյութեղ դարձնել, եթե տիրապետում եք որոշ խոհարարական գաղտնիքների: Եվ այսպես՝ ներկայացնում ենք ամենակարևորները:

1-ին եղանակ

Սա շատերին է հայտնի: Փափուկ դարձնելու համար մսին հարկավոր է մանանեխ քսել: Կարելի է և սոր մանանեխ օգտագործել: Պատրաստումից անմիջապես առաջ հարկ կլինի մանանեխը լվանալ սառը ջրով:

2-րդ եղանակ

Խորովածից առաջ կոշտ միսը թրջում են կիտրոնի հյութով: Պետք է թողնել հյութը ներծծվի մսի մեջ ու նոր միայն անցնել պատրաստմանը:

3-րդ եղանակ

Այս եղանակը շատերի համար բացահայտում կդառնա: Գրեթե ցանկացած չորության միս իդեալական կդառնա տապակելու կամ խորովածի համար, եթե 1-2 ժամ թրջեք այն սոյայի սոուսում: Բնական է՝ հետո պատրաստելիս հարկ է նկատի ունենալ, որ սոյայի սոուսը բավականաչափ աղի է ու շատ աղ չանել:

4-րդ եղանակ

Եվս մի բացահայտում. պատրաստելուց մի երկու ժամ առաջ հարկավոր է միսը թրջել օսլա ավելցված ջրի մեջ: Փափկելուց բացի՝ խորաված կամ տապակած միսը գեղեցիկ խրթխրթան կեղև ձեռք կբերի:

5-րդ եղանակ

Պինդ միսը եփելիս հարկավոր է ջրի մեջ կես թեյի գդալ շաքար ավելացնել: Իսկ աղ անել հարկավոր է ոչ վաղ, քան ջուրը եռալուցկես ժամ անց:

6-րդ եղանակ

Փափկեցնելու համար օգտագործում են կիվիի խյուս: Բայց չպետք է մոռանալ մի շատ կարևոր հանգամանք. 1-2 կիլոգրամ մսին օգտագործում են ոչ ավել, քան 1 կիվի և կիվիով մարինացնել պետք է 3-4 ժամից ոչ երկար, այլապես միսը թելիկների կվերացվի:

7-րդ եղանակ

Եփելիս մսի կոշտության վրա կարող են դրականորեն ազդել եփվող մսաջրի մեջ գցած չոր գինու 2-3 խցանը կամ 1 գդալ քացախը:

8-րդ եղանակ

Պինդ միսը եփելու կամ խորովելու համար պետք է նախապես բաստուրմա դնել: Ահա բաստուրմայի այսպիսի յուրատեսակ եղանակ: Բաստուրմայի համար վերցնում են մանր կտրտած սոխ, քերիչով մանրացրած խնձոր, 1 գդալ քացախ, բուսայուղ, աղացած սև պղպեղ և դափնու տերև: Միսը նման եղանակով մշակելու դեպքում ոչ միայն հիանալի համ կունենա, այլև փափուկ ու հյութեղ կլինի:

Սա անպայման պետք է փորձել :)

Թողնել պատասխան

Մուտք եղեք:

Leave a Reply

Your email address will not be published. Required fields are marked *