Չափաբաժինները` 1 լ կաթից մոտ 120-150 գր պանիր է ստացվում։

1. Կաթը լցնում ենք մեծ կաթսայի մեջ, հասցնում ենք եռման աստիճանի, ավելացնում ենք աղն ու շաքարավազը:
   
2. Կիտրոնները լվանում ենք, չորացնում, հյութը քամում ենք և լցնում կաթի մեջ։
   
3. Կաթը կիտրոնահյութի հետ անընդհատ խառնելով (ցանկալի է փայտե գդալով խառնել) մեկ րոպե եփում ենք։ Կաթսան կրակի վրայից վերցնում ենք և մոտ 20 րոպե փակ կափարիչով հանգիստ թողնում։ Թանձրուկներով զանգված է ստացվում։
   
4. Թանձրուկները ծակծկոտ գդալով վերցնում ենք և լցնում քամիչի վրա։
   
5. Պանրային զանգվածը մի քիչ սեղմում ենք, որպեսզի ավելորդ հեղուկը դուրս գա միջից։
   
6. Պանիրը թեթևակի աղ ենք անում, մի քիչ քիմիոն ենք ավելացնում (եթե իհարկե, քիմիոն ավելացնելու եք) և տեղափոխում կերամիկական կամ ապակյա ամանի մեջ։ Տնական պանիրը մի քանի ժամով տեղափոխում ենք սառնարանը, որպեսզի հասունանա։