Հավով ու սնկով ռուլետ
Բաղադրիչներ
- հավի փափկամիս - 300 գր
- սունկ շամպինիոն - 300 գր
- սոխ - 1 գլուխ
- բուսայուղ
- կարագ - 1-2 ճ/գ
- աղ - ըստ ճաշակի
- աղացած սև պղպեղ - ըստ ճաշակի
- սերուցք (առանց յուղայնության) - 1/2 բաժակ
- ալյուր
Քայլերի հաջորդականություն
- Առաջին հերթին պատրաստում ենք միջուկը, որի համար անհրաժեշտ է սունկը մաքրել ու լվանալ: Այնուհետև այն բաժանում ենք ոչ շատ մեծ կտորների:
- Մաքրում ենք սոխը, մանր կտրատում և ավելացնում սնկի վրա: Տապակում ենք բուսայուղով՝ անհրաժեշտության դեպքում ավելացնելով մի փոքր կարագ, ապա համեմում աղով ու պղպեղով:
- Սունկը սոխի հետ տապակում ենք այնքան, մինչև ոսկեգույն դառնան:
- Հավի փափկամիսը լվանում ենք և առանձնացնում մեծ ու փոքր կտորները: Մեծ կտորները կտրատում ենք այնպես, որպեսզի ստանանք 8 սմ հաստությամբ կտորներ: Համեմում ենք աղով ու պղպեղով:
- Հավի փափկամսի կտորները դնում ենք պոլիէթիլենային թաղանթի տակ ու հարվածում այնքան, մինչև փափկեն, բայց չկորցնեն իրենց ամբողջականությունը:
- Փափկամսի կտորները լցոնում ենք սնկային միջուկով:
- Լցոնված մսի կտորները փաթաթում ենք ու վերածում ռուլետի, ապա ամրացնում ենք փայտիկով ու ծայրերն ամրացնում:
- Ստացված ռուլետները թաթախում ենք ալյուրի մեջ:
- Ռուլետները բուսայուղով տապակում ենք:
- Տապակած ռուլետները դնում ենք խորը կաթսայի մեջ, վրան լցնում ենք սերուցք:
- Սերուցքով պատված ռուլետները շոգեխաշում ենք այնքան, մինչև սերուցքը ներծծվի:
Բարի ախորժակ:
Թողնել պատասխան
Մուտք եղեք: