Սնկով ժուլյեն
Բաղադրիչներ
- սունկ շամպինիոն - 500 գր
- սոխ - 2 գլուխ
- կարագ - 50 գր
- բուսայուղ - 1 ճ/գ
- թթվասեր - 500 գր
- պանիր քերած - 6 ճ/գ
- աղ
- պղպեղ սև
Քայլերի հաջորդականություն
- Սունկն ու սոխը կտրատում ենք:
- Տաք տապակի մեջ լցնում ենք բուսայուղը, ապա՝ կարագը:
- Սոխը 15 րոպե տապակում ենք կարագով լի տապակի մեջ:
- Ավելացնում ենք սունկն ու շարունակում ենք տապակել 15-20 րոպե: Երբ ջուրը ներծծվում է, համեմում ենք աղով ու պղպեղով և շարունակում ենք տապակել ևս 5-10 րոպե:
- Ավելացնում ենք թթվասերը, խառնում ու տապակում ենք 5-10 րոպե: Այնուհետև ավելացնում ենք պանիրն ու խառնում ենք:
- Մետաղական կամ կերամիկական փոքրիկն տարաները, որոնցով մատուցվելու է ժուլյենը, պատում ենք կարագով:
- Ապա լցնում ենք ստացված զանգվածը և պատում ենք քերած պանրով: Այնուհետև դնում ենք ձևամանի մեջ և 20-30 րոպե եփում ենք 200 աստիճան տաքացրած ջեռոցում, մինչև պանիրը հալվի:
- Ահա պատրաստ է ժուլյենը: Կարող ենք մատուցել:
Բարի ախորժակ:
Թողնել պատասխան
Մուտք եղեք: