- Yield: Անմիջապես
- Prep Time: 40 minutes
- Cook Time: 1ժ 30 րոպե
Հնդկահավի միսը շերտավոր խմորի մեջ
Բաղադրիչներ
- հնդկահավ - 700 գր(բուդ)
- ընկույզ - 50 գր
- սերուցք մինչև 20% յուղայնությամբ - 50 մլ
- պատրաստի շերտավոր խմոր - 270 գր
- միս տավարի (աղացած) - 250 գր
- միս խոզի - 250 գր(աղացած)
- ձիթայուղ - 2 ճ/գդ
- ձու - 1 հատ
- բահար - ըստ ճաշակի
- պղպեղ սև - ըստ ճաշակի
- աղ - ըստ ճաշակի
- քունջութ - ըստ ճաշակի
Քայլերի հաջորդականություն
- Վերցնում ենք հնդկահավի բուդը։
- Առանձին ամանի մեջ խառնում ենք խոզի և տավարի աղացած միսը (կարող եք հնդկահավի մսով պատրաստել), ավելացնում ենք աղացած ընկույզը, սերուցքը և ըստ ճաշակի աղը, բահարն ու պղպեղը։ Այս ամենը լավ խառնում ենք։
- Բուդը ոսկրահան ենք անում, այնուհետև` կաշվեհան։ Մեջտեղի մասով 2 հատ կտրվածք ենք անում`աջ և ձախ կողմերով։ Բուդը շրջում ենք։ Այժմ պետք է այն լավ ծեծենք և աղ դնենք։
- Բուդը տեղափոխում ենք յուղաթղթի վրա։ Միսը երշիկի տեսքով փաթաթում ենք, դնում բդի ծայրին։
Այնուհետև սկսում ենք ռուլետաձև փաթաթել։
- Բուդը փաթաթում ենք յուղաթղթի մեջ, թելով կապում, վրայից ձիթապտղի յուղ քսում և 1 ժամով տեղափոխում 190 աստիճան տաքացրած ջեռոցի մեջ։
- 1 ժամից միսը հանում ենք ջեռոցից, թուղթն ու թելը հեռացնում վրայից։ Թողնում ենք մի քիչ սառչի։
- Շերտավոր խմորը 3 սմ լայնությամբ կտրում ենք և փաթաթում ռուլետի շուրջ։ Որպեսզի շերտերը ծայրի հատվածներում հեշտ կպչեն, անհրաժեշտ է ձվով պատել։ Վերևի հատվածին նույնպես պետք է ձու քսենք։ Այնուհետև վրայից քունջութ ենք ցանում և 30 րոպեով դնում 180 աստիճան տաքացրած ջեռոցը`մինչև վարդագույն դառնա։
- Այնուհետև հանում ենք և մատուցում։
Այս ուտեստը կարող եք մատուցել նաև սառը վիճակում։ Ահա և տոնական հնդկահավ պատրաստելու մեր յուրօրինակ բաղադրատոմսը։ Բարի ախորժակ 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Mikadoi baxadratoms kgzeq
Նելլի ջան հետևեք մեր էջին, շուտով մենք կտեղադրենք միկադոյի բաղադրատոմսը 🙂
Law shnorhakalutyun shat
Խնդրեմ 🙂