- Yield: 2-3 ժամ անց
- Prep Time: 40 minutes
- Cook Time: 1ժ 10 րոպե
Սերուցքային աղանդեր ելակի միջուկով
Բաղադրիչներ
- Ճապոնական չիզքեյքի համար`
- պանիր մասկարպոնե - 125 գր
- կաթ - 50 մլ
- կարագ - 25 գր
- ալյուր - 30 գր
- օսլա (крахмал) եգիպտացորենի - 1,5 ճ/գդ
- աղ - մի պտղունց
- ձվի դեղնուց - 3 հատ
- ձվի սպիտակուց - 3 հատ
- շաքարավազ - 70 գր
- Ելակի սոուսի համար՝
- ելակ - 250 գր
- շաքարավազ - 50 գր
- օսլա (крахмал) եգիպտացորենի - 1 ճ/գդ
- Հրուշակային կրեմի համար՝
- կաթ - 240 մլ
- վանիլին - 0,5 թ/գդ
- օսլա (крахмал) եգիպտացորենի - 2 ճ/գդ
- շաքարավազ - 60 գր
- ձու - 1 հատ
- կարագ - 28 գր
- «Դիպլոմատ» կրեմի համար ՝
- ժելատին - 3 գր
- սերուցք 30-35% յուղայնությամբ - 200 գր
- Կարամելային զարդարանքի համար՝
- շաքարավազ - 190 գր
- գլյուկոզա - 38 գր
- ջուր - 40 գր
- հյութ կիտրոնի - 1 ճ/գդ
- սննդի գունանյութ - ըստ ճաշակի
Քայլերի հաջորդականություն
- Պատրաստում ենք ճապոնական չիզքեյքը: Ջեռոցը տաքացնում ենք 160 աստիճան, ձևամանի մեջ յուղաթուղթ ենք փռում և տակը փաթաթում նրբաթիթեղով:
Խառնում ենք պանիրը, կաթն ու կարագը: Դնում ենք գոլորշու վրա և անընդհատ խառնելով ստանում համասեռ զանգված: Հովացնում ենք, ավելացնում ալյուրը, օսլան, աղն ու դեղնուցները: Լավ խառնում ենք (եթե զանգվածի մեջ գնդիկներ են մնացել, պետք է մաղով անցկացնել):
Սպիտակուցները շաքարավազի հետ հարում ենք մինչև զանգվածի պնդանալը: Սպիտակուցներն ավելացնում ենք պանրային զանգվածին և զգուշությամբ խառնում:
Խմորը լցնում ենք ձևամանի մեջ և գոլորշու վրա 70-80 րոպե թխում: Երեսը շատ չկարմրելու համար կարելի է վրայից ծածկել նրբաթիթեղով:
Չիզքեյքը սառեցնում ենք և 8 սմ տրամագծով շրջաններ կտրում:
- Պատրաստում ենք ելակի սոուսը: Ելակը երկայնակի կտրատում ենք, լցնում փոքր կաթսայի մեջ և խառնում շաքարավազի ու օսլայի հետ: Խառնուրդը տաքացնում ենք, հասցնում եռման, 3 րոպե եռացնում ենք ու վերցնում կրակից:
Սառելուց հետո ելակի սոուսը լցնում ենք ձևամանների մեջ:
- Պատրաստում ենք հրուշակային կրեմը: Փոքր կաթսայի մեջ լցնում ենք կաթն ու վանիլինը և եռացնում:
Փոքր ամանի մեջ խառնում ենք օսլան, շաքարավազն ու ձուն, հարում ենք մինչև միաձուլվելը: Կաթն անընդհատ խառնելով լցնում ենք այս խառնուրդի մեջ, դնում մարմանդ կրակին կամ գոլորշու վրա ու եփում մինչև խտանալը (82 աստիճանից ավելի չի կարելի տաքացնել): Կրակից վերցնում ենք, ավելացնում կարագն ու լավ խառնում: Այնուհետև ծածկում ենք թաղանթով ու թողնում, որ լավ հովանա:
Պատրաստում ենք «Դիպլոմատ» կրեմը: Ժելատինը թրջում ենք 40 գր սերուցքի մեջ, տաքացնում, լցնում հրուշակային կրեմի մեջ և լավ խառնում: Մնացած սերուցքը հարում ենք այնքան, մինչև պնդանա, հետո միացնում ենք հրուշակային կրեմին:
Կիսակլոր ձևամանի տակ լցնում ենք «Դիպլոմատ» կրեմը, վրայից՝ ելակի սառեցրած սոուսն ու ծածկում չիզքեյքով: Դատարկ մնացած մասերը հրուշակային կրեմ ենք լցնում ու 6-8 ժամով դնում սառնարան: - Պատրաստում ենք կարամելային զարդարանքը: Շաքարավազը, գլյուկոզան, ջուրը, կիտրոնի հյութն ու կանաչ գունանյութը լցնում ենք փոքր կաթսայի մեջ և խառնում: Տաքացնում ենք մինչև 148 աստիճան:
Երբ օշարակը հասնում է 148 աստիճանի, կրակից վերցնում ենք ու կաթսայի հատակը 10 վայրկյանով մտցնում սառցը ջրով լի մեկ այլ կաթսայի մեջ:
Այնուհետև կաթսայի տակը չորացնում ենք և կարամելը լցնում սիլիկոնե փոքր գորգի վրա: Սպասում ենք մի քանի րոպե, մինչև որ կարամելի վրա թաղանթ գոյանա: Մետաղյա թիակին բուսայուղ ենք քսում և թիակի օգնությամբ կարամելի եզրերը շրջում դեպի կենտրոն: Եթե կարամելը ծորում է, ապա այդ գործողությունը կրկնում ենք մի քանի անգամ: Հենց որ կարամելը սկսում է ընդունել թիակի տված ձևը, խոհանոցային ձեռնոցներ ենք հագնում ու սկսում այն ձգել: - Կարամելը չպետք է սառչի (դրա համար այն դնում ենք հատուկ լամպի տակ կամ 50 աստիճան տաքացրած ջեռոցի մեջ): Հենց որ կարամելը ստանում է ցանկալի փայլը, դանակով կտրում ենք մի կտոր, մնացածը նորից դնում ջեռոցի մեջ (այսպիսի կարամելից կարելի է պատրաստել ժապավեններ):
Սառած աղանդերը զարդարում ենք կարամելով ու ջնարակով պատված ելակի կտորներով:
- Ահա և վերջ:
Ելակի սոուսը հիանալի լրացնում է թեթև, ծակոտկեն, նրբահամ, սուֆլե հիշեցնող այս չիզքեյքին: Վայելե՛ք մտերիմների հետ 🙂
Թողնել պատասխան
Մուտք եղեք: