- Prep Time: 40 minutes
- Cook Time: 50 minutes
Տորթ «Կաթնային»
Բաղադրիչներ
- խտացրած կաթ - 400 գր
- ձու - 3 հատ
- փխրեցուցիչ - 1,5 թ/գ
- աղ - 1/4 թ/գ
- կարագ - 80 գր
- պանիր մասկարպոնե - 250 գր
- շաքարի փոշի - 100 գր
- սերուցք (33% և ավելի յուղայնությամբ) - 500 մլ
- շոկոլադ կաթնային - 70 գր
- ալյուր - 200 գր
Քայլերի հաջորդականություն
- Խմորը պատրաստելու համար ձվերը հարում ենք խտացրած կաթի հետ:
- Ավելացում ենք աղի ու փխրեցուցիչի հետ հարված ալյուրը, խառնում ենք: Ավելացնում ենք հալեցրած կարագն ու խառնում ոչ այնքան թանձր խմորը:
- Թխում ենք բլիթները: Վերցնում ենք յուղաթուղթը, դրա վրա դնում անջատովի ձևամանի եզրամասը: Կենտրոնում դնում ենք 2 ճ/գ խմոր ու համաչափ տարածում դեպի եզրերը:
- Հանում ենք եզրային ֆորման:
- Թխում ենք 180 աստիճանում` 6-7 րոպե: Կրկնում ենք գործողությունը խմորի մնացած մասի հետ: Հովացնում ենք բլիթները: Կստացվի մոտ 8 բլիթ: Որպես տարբերակ` կարող ենք կատարել նաև առանց ֆորմայի. պարզապես յուղաթղթի վրա համապատասխան տրամագծի ափսե ենք դնում ու մատիտով գծում: Յուղաթուղթը մատիտով շրջում ենք ներքև և խմորով լցնում նկարված շրջանակը: Պատրաստում ենք կրեմը: Սենյակային ջերմաստիճանի մասկարպոնեն թիով տրորում ենք` մինչև փափուկ դառնա: Սերուցքը հարում ենք շաքարի փոշու հետ: Մասկարպոնեին ենք ավելացնում սերուցքի մեկ երրորդն ու խառնում` մինչև համասեռ դառնա: Ավելացնում ենք մնացած սերուցքը, խառնում:
- Բլիթները շերտավորում ենք կրեմով, յուրաքանչյուր շերտը պատում մանր քերիչով քերած շոկոլադով: Կրեմի մնացորդով պատում ենք տորթի կողքերն ու վերևը: Զարդարում ենք ըստ ճաշակի: Դրա համար կարելի է մի փոքր կրեմ ևս պատրաստել:
- Թողնում ենք, որ տորթ սառնարանում մնա նվազագույնը 4 ժամ, իսկ էլ ավելի լավ կլինի` ողջ գիշերը: Կտրտում ենք ու մատուցում:
Ձեզ կարող է հետաքրքրել նաև
Թողնել պատասխան
Մուտք եղեք:
Иск инчкан альюр е петк?
Սիրելի ընթերցող, անհրաժեշտ է 200 գր ալյուր։ ։)