- Yield: 1 ժամ անց
- Prep Time: 25 minutes
- Cook Time: 1ժ 30 րոպե
Խնձորով հայտնի աղանդեր ”Բելյովյան պաստիլա”
Բաղադրիչներ
- խնձոր - 1 կգ (խյուս)
- շաքարավազ - 350 գր
- ձվի սպիտակուց - 2 հատ
- շաքարի փոշի
Քայլերի հաջորդականություն
- Խնձորները մաքրում ենք, 2 մասի բաժանում, և սերմերը հանում։ Միկրոալիքային վառարանում մաս առ մաս եփում ենք մինչև փափկեն (4-8 րոպե)։
- Բլենդերով խնձորները խյուսի ենք վերածում։
- Քամիչի վրա ենք լցնում և տրորում, որպեսզի զանգվածն ավելի համասեռ դառնա։ 1 կգ խնձորի խյուս ստանալու համար մոտավորապես 1.7 կգ խնձոր է անհրաժեշտ (14 հատ միջին խնձոր)։
- Տաք խյուսի մեջ շաքարավազ ենք ավելացնում և խառնում ենք։ Եթե խնձորները քաղցր են կարող ենք շաքարավազի քանակությունը պակասեցնել։ Խյուսն ամբողջությամբ սառեցնում ենք, ավելի լավ կլինի մի քանի ժամով սառնարանը տեղափոխենք, որպեսզի լավ սառչի։
- Խնձորի խյուսը լցնում ենք մեծ ամանի մեջ, ավելացնում ենք սպիտակուցները։ Ահա, թե ինչքան էր սկզբում խնձորի խյուսը։
- Զանգվածը հարում ենք այնքան, մինչև չափերով 2-3 անգամ ավելանա։ Կարող ենք առավելագույն արագության վրա 15 րոպե հարել, այդպես զանգվածը նույնիսկ 4 անգամ կավելանա։ Որքան լավ հարենք, այնքան ավելի օդեղեն և նուրբ պաստիլա կստանանք։
- Տապակը յուղաթղթով պատում ենք, այնպես, որ յուղաթուղթը ձևամանի կողքերն էլ ծածկի։ Առանձին տարայի մեջ ենք լցնում հարած զանգվածի 200 գրամը, իսկ մնացածը լցնում ենք տապակի մեջ։
- Սիլիկոնե թիակով մակերևույթը լավ հավասարեցնում ենք։ Տեղափոխում ենք մինչև 70-100 աստիճան տաքացրած ջեռոցի մեջ և չորացնում (դուռը թեթևակի բաց ենք թողնում, որպեսզի խոնավությունը կարողանա դուրս գա):
- Ահա այսպիսին է պատրաստի շերտը, որը լավ է պահպանում ձևը, բայց միևնույն ժամանակ բավական ճկուն է։
- Շերտն ամբողջությամբ սառեցնում ենք։ Այնուհետև շրջում ենք, յուղաթուղթը թրջում ենք և զգուշորեն առանձնացնում։
- Թաց և սուր դանակով եզրերից 2 սմ կտրում ենք (այդ եզրերը կարող են բավական չոր լինել)։ Պատրաստի շերտը 3 մասի ենք կիսում։
- Առաջին մասը պատում ենք առանձնացված զանգվածի 1/4-ով։
- Այնուհետև վրան ենք դնում ենք երկրորդ շերտը, նույնպես պատում ենք կրեմով։ Վերջին շերտով ծածկում ենք, վրան ենք լցնում մնացած զանգվածն ու պատում ամբողջ կարկանդակը։
- Դնում ենք ջեռոցի մեջ։ Չորացնում ենք նույն ռեժիմում ևս 1-2 ժամ (մոտ 1,5 ժամ)։ Ամբողջությամբ սառեցնում ենք։
- Վրան շաքարի փոշի ենք ցանում։ Դա պետք է անել թեթև և զգույշ շարժումներով, որպեսզի պաստիլան չվնասենք։ Սկզբում լցնում ենք վերևի ու կողքերի վրա, հետո բարձրացնում ենք և տակն ենք ցանում։
- Բարի ախորժակ:
Պաստիլան կտրում ենք թաց սուր դանակով։ Կտրելուց չենք սեղմում, որպեսզի չտձևանա (կտրում ենք այնպես ինչպես նոր թխված սպիտակ հացն ենք կտրում ) 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Hargeli Shef xoharar, isk kareli e tarm xndzori xyusy poxarinel xanutic gnvac patrasti xndzori xyusov?
Այո, իհարկե կարող եք նաև այդպես անել 🙂
shat gexecik e
Ուրախ ենք, որ Ձեզ դուր է եկել 🙂
shat hamex e
Ուրախ ենք, որ Ձեզ դուր է եկել 🙂
Spitakucy aramc harelu enq avelacnum xndzorin?
Բարև Ձեզ, այո, սպիտակուցը պետք է խառնել խնձորի խյուսին և նոր միասին հարել 🙂
Knerek karox eq shtirlici baxadratoms grel?
Բարև Ձեզ Քնարիկ ջան, ցավոք, այդ բաղադրատոմսն առայժմ չունենք, սակայն մոտ ապագայում այն կտեղադրենք 🙂