- Yield: 2 ժամ անց
- Prep Time: 35 minutes
- Cook Time: 25-35 minutes
Խնձորով և կաթնաշոռով ոլորահաց
Բաղադրիչներ
Քայլերի հաջորդականություն
- Փափկեցրած կարագը, կաթնաշոռը և շաքարավազը լցնում ենք խոր ամանի մեջ։
- Հարիչով հարում ենք։
- Ավելացնում ենք ձուն և մի քիչ էլ ենք հարում։
- Ալյուրը խառնում ենք փխրեցուցիչի հետ։
Ավելացնում ենք ալյուրի մի մասը, գդալով կամ թիակով խառնում ենք։ Այս փուլում խմորը կպչուն է։
- Խմորը դնում ենք ալրապատ սեղանի վրա, ավելացնում ենք մնացած ալյուրը, փափուկ և առաձգական խմոր ենք հունցում։ Երկար չենք հունցում։ Մոտ 200 գր ալյուր է անհրաժեշտ:
- Խնձորները կեղևազրկում ենք, սերմերը հանում ենք և մանր խորանարդիկներով կտրատում (մոտ 0,5-1 սմ)։ Լցնում ենք ամանի մեջ։
- Ավելացնում ենք շաքարավազը (շաքարի քանակությունը կախված է խնձորների քաղցրությունից, մոտ 2 ճ/գդ)։ Լցնում ենք չամիչը, դարչինը և նարնջի կեղևը (միայն նարնջագույն մասը)։ Նարնջի կեղևը `ըստ ցանկության։ Կարող ենք ավելացնել նաև չորացրած լոռամրգի, ծիրանաչիր, լիկյոր և այլն։
- Խառնում ենք և միջուկն արդեն պատրաստ է։
- Խմորը ալրապատ սեղանի վրա 5 մմ հաստությամբ ուղղանկյունաձև բացում ենք (մեծ ուղղանկյունի ենք գրտնակում)։
- Խմորը աչքաչափով 3 մասի ենք բաժանում (բայց չենք կտրում), և միջուկը միջին հատվածի վրա ենք լցնում ։
- Միջուկի կողքերի խմորը անկյան տակ դանակով մոտ 2 սմ հաստությամբ շերտերով կտրում ենք։
- Այնուհետև կտրած խմորի շերտերը երկու կողմից բերում ենք միջուկի վրա և ծածկում այն։
- Այդպիսով սարդոստայն ենք հյուսում։
- Խմորը զգուշորեն տեղափոխում ենք տապակի վրա։ Այն շատ փափուկ է, եթե վստահ չեք, որ կարող եք այն տեղափոխել, ավելի լավ է տապակի հակառակ երեսի վրա գրտնակել և պատրաստել այն, այդ դեպքում տեղափոխելու խնդիր չի առաջանա։
Խմորի վրա շաքարավազ ենք ցանում։
- Տեղափոխում ենք մինչև 180 աստիճան տաքացրած ջեռոցի մեջ և 25-35 րոպե թխում ենք մինչև ոսկեգույն դառնա։
- Պատրաստի ոլորահացը ամբողջությամբ սառեցնում ենք և մատուցում:
Ոլորահացը մեկ թերություն ունի, կտրելուց խնձորի կտորները կարող են թափվել։ Այդ իսկ պատճառով կարող ենք առանձին շերտեր պատրաստել և հյուսել վրան, որպեսզի ավելի հարմար լինի, բայց ամեն դեպքում անզուգական համն ապահովված է։
Խնձորով և կաթնաշոռով ոլորահացը շատ փափուկ է և նուրբ . լավ լրացում է թեյի, սուրճի կամ կակաոյի հետ 🙂
Թողնել պատասխան
Մուտք եղեք: