Ամեն անգամ, երբ սրճարան եք մտնում, սուրճի արբեցնող բույրը հետաքրքիր զգացումներ է առաջացնում։ Գիտե՞ք ինչու է սուրճն այդպես բուրում, որովհետև բոված է։ Հենց բովելու ընթացքում են սուրճի կանաչ հատիկները այդպիսին դառնում։ Ճիշտ բովելը հատուկ արվեստ է, որն անընդհատ զարգանում է և մեծ վարպետություն է պահանջում։

Ֆրանսիական ձևով բոված սուրճն, այն սուրճն է, որի հատիկները գրեթե վառվածի տեսք ունեն, քանի որ մուգ շագանակագույն, համարյա սև երանգ ունեն։ Հատիկները, սովորաբար այնքան են բովում մինչև յուղ դուրս գցեն, որի արդյունքում հատիկները դառնում են փայլուն։ Եթե մեկ րոպե ավելի երկար բովենք,  սուրճը կլինի ոչ թե ֆրանսիական, այլ իտալական։

Բովելու գործընթացը

Մինչև բովելը, կանաչ հատիկները մի քանի նախապատրաստական փուլ են անցնում։ Առաջին փուլում  հատիկները դառնում են դեղին (այդ ժամանակ հատիկներից ավելորդ ջուրը դուրս է գալիս և խոտի հոտը չեզոքանում է)։ Հաջորդ փուլում հատիկները ձեռք են բերում մեր համար սովորական դարձած սուրճի հոտ և սկսում են ճաքչքել։ Հատիկների վրա առաջին ճաքերն ի հայտ են գալիս այն դեպքում, երբ հատիկների ներքին ջերմաստիճանը հասնում է 180-250 աստիճանի։ Քանի որ, ջրի մեծ մասը հատիկների մեջ է, այն գոլորշիանում է, իսկ մնացած շաքարը սկսում է  կարամելի վերածվել։ Այդ փուլում հատիկները չափերով մեծանում են և ավելի մգանում։ Եթե բովելու ջերմաստիճանը բարձր լինի, սուրճն իրեն բնորոշ բույրը չի ունենա։

Հատիկները 210-220 աստիճան ներքին ջերմաստիճանում երկրորդ անգամ են ճաքում։ Այդ դեպքում ճաքելու ձայնն ավելի խուլ է լսվում, քան առաջինի դեպքում։ Սուրճը մուգ շագանակագույն երանգ է ստանում, օդում տարածվում է այրված սուրճի և շաքարի բույրը, իսկ հատիկները սկսում են փայլել։ Երկրորդ անգամ ճաքելու փուլում թույլատրելի է 225-230 ներքին ջերմաստիճանը։ 240 աստիճանում, ոչ մի դեպքում չի կարելի բովել հատիկները, քանի որ, սուրճն անդառնալիորեն կփչանա։

Համ

Որքան ավելի երկար են բովում հատիկները, բույրն այնքան վատանում է։ Պատրաստի հատիկների համը քաղցրա-դառնավուն է։ Հատիկների որոշ մասի թթվայնությունը բովելու ընթացքում զգալիորեն քչանում է։

Կոֆեինի պարունակությունը

Որոշ մարդիկ կարծում են, թե ինչքան մուգ է սուրճի գույնը, այնքան ավելի շատ կոֆեին է պարունակում այն։ Իսկ թե ինչքան սուրճ պետք է լցնել թրմելու համար, կախված է սուրճի տեսակից և մշակման եղանակից։

Ինչպես են թրմում աղացած ֆրանսիական սուրճը

Ամեն ինչ շատ հեշտ է։ Անհրաժեշտ են հետևյալ մթերքները.

• ոչ մեծ քանակությամբ որակյալ թարմ աղացած սուրճ
• սրճեփ
• գդալ
• ժամանակաչափ
• եռման ջուր
• թերմոս

Ֆրանսիական սուրճ պատրաստելու գաղտնիքը. թրմելու գործընթացը

1. 8 բաժակ սուրճի համար վերցնում ենք մոտ 8 թ/գդ աղացած ֆրանսիական սուրճ` կոշտ աղացվածքի, և լցնում սրճեփի մեջ։
2. Սրճեփի մեջ կիսով չափ եռման ջուր ենք լցնում։
3. 4 րոպե ժամանակ ենք պահում (ժամանակաչափով)։ Յուրաքանչյուր րոպեն լրանալուց սուրճը խառնում ենք և վրան եռման ջուր ավելացնում։
4. 4 րոպե անց սուրճը պատրաստ է։
5. Սուրճը սրճեփից դատարկում ենք թերմոսի մեջ։ Թերմոսի մեջ ենք լցնում, որպեսզի սուրճը չդառնանա։Եթե չեք ուզում, որ սուրճը թունդ լինի, թերմոսում թողեք բառացիորեն մի քանի րոպե։
6. Մատուցելուց առաջ սուրճի մեջ շաքար կամ սերուցք ենք ավելացնում` ըստ ճաշակի։