- Yield: Անմիջապես
- Prep Time: 30 minutes
- Cook Time: 1ժ 20 րոպե
Բրնձով փլավ համեմունքներով
Բաղադրիչներ
Քայլերի հաջորդականություն
- Բրինձը մի քանի անգամ սառը ջրով լվանում ենք, որ օսլան դուրս գա միջից (վերջում ջուրը պետք է պարզ լինի)։ Լվանալուց հետո վրան սառը ջուր ենք լցնում և հանգիստ թողնում, մինչև մնացած բաղադրիչների պատրաստելը։
- Սոխը կտրում ենք բարակ կիսաշրջաններով։
- Գազարը կտրատում ենք միջին չափի ձողիկներով։
- Միսը բավական մեծ կտորներով ենք կտրատում ։
- Հաստ տակով կաթսայի մեջ ենք լցնում բուսայուղի կեսն ու լավ տաքացնում։
Այնուհետև ավելացնում ենք սոխը և մոտ 5 րոպե տապակում` մինչև թափանցիկ դառնա։
- Ավելացնում ենք միսը և ակտիվ խառնելով մոտ 5 րոպե տապակում ենք։
- Ավելացնում ենք մնացած բուսայուղը, գազարը, և մոտ 5-10 րոպե տապակում ենք։
- Ավելացնում ենք բարբարիսը, զիրան (կարող ենք մատներով տրորել համեմունքները, որպեսզի համն ավելի արտահայտիչ լինի)։
Լցնում ենք քրքումը, աղ և պղպեղ ենք անում։
- Խառնում ենք և մոտ 1 բաժակ եռացրած ջուր ենք ավելացնում, որպեսզի միսը թեթևակի ջրով ծածկվի։Սխտորները գլուխներով լցնում զանգվածի մեջ։ Թույլ կրակի վրա 30-50 րոպե շոգեխաշում ենք կամ էլ այնքան, մինչև միսը լրիվ փափկի (այդ պահը շատ կարևոր է)։
- Այնուհետև մսի վրա ենք լցնում բրինձը (առանց ջրի), զգուշորեն հարթացնում ենք (չենք խառնում)։
- Զգուշորեն թեյնիկով եռացրած ջուր ենք լցնում վրան, այնպես, որ ջուրը 2 սմ բրինձը ծածկի (չենք ծածկում)։ Կրկին աղ ենք անում։
- Թույլ կրակի վրա մոտ 10-15 րոպե եփում ենք (այդ ընթացքում ջրի մեծ մասը կներծծվի բրնձի մեջ)։ Այնուհետև գդալի պոչով մի քանի անցք ենք բացում, որպեսզի գոլորշին դուրս գա, որից հետո կափարիչը ծածկում ենք և 15-20 րոպե եփում ենք` մինչև պատրաստ լինի։
Ուշադրություն դարձրեք այն բանին, որ այս ամբողջ ընթացքում բրինձը չենք խառնում, որպեսզի շիլայի չվերածենք։
- Պատրաստի փլավը, բառացիորեն 2-3 գործողությունով ներքևից վերև խառնում ենք, որպեսզի միսն ու բրինձը իրար խառնվեն։ Կամ էլ, եթե ամբողջը ուտելու եք, կարող եք կաթսայի վրա խոր ափսե դնել, և փլավը շուռ տալ ափսեի վրա, այդ դեպքում միսը վերևամասում կլինի։
- Փլավի հետ կարելի է թարմ լոլիկով աղցան մատուցել։
Հագեցնող, հատիկ-հատիկ, անուշաբույր և շատ համեղ փլավ, որը հաճելիորեն կզարմացնի Ձեր հյուրերին ։
Փլավի միսը պետք է բավական յուղոտ լինի, եթե գառան միս կա, շատ ավելի լավ, եթե ոչ կարող եք խոզի միս վերցնել, հավի բուդ կամ բդիկ (բաղադրատոմսում նշված է մաքուր քաշը` առանց ոսկորների)։ Այս փլավի համար շատ հարմար են բասմաթի, դևզիրա տեսակի բրինձները, կարող եք այլ բրինձ վերցնել, կարևորը երկարահատիկ բրինձ լինի։ Ավանդական փլավի մեջ չորացրած զիրա և բարբարիս են օգտագործում, իսկ քրքումը ոչ միշտ։ Քրքումը հետաքրքիր դեղին երանգ է տալիս փլավին։ Բավականին շատ փլավ է ստացվում, այդ իսկ պատճառով, կարող եք պատրաստելուց բաղադրիչների կեսը վերցնել 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Barev cez shnorhakalutyun baxadratomsi ev patrastman cevn cuyc talu hamar,es mek harc unem erb vor jurn lcnumenq brnci vra ev chenq xarnum brincn epvume.hum chi mnum shnorhakalutyun naxapes
Շնորհակալ ենք ջերմ խոսքերի համար: Ոչ բրինձն այդպես նույնպես եփվում է 🙂
KNEREQ MI HARC TAM .SXTORI KLEPNER@ PITI MAQRAJ GCENQ MEJ@…
Այո, սխտորը կեղևազրկեք ու ամբողջական լցրեք զանգվածի մեջ 🙂
Barev dzez…. mek harc unem baxadrichneri het kapvac.
Chem karoxanum gtnel barbarisy. mi guce urish anunov petq e pntrel?
shnorhakalutyun.
Բարև Ձեզ: Արևելյան համեմունքների խանութներից կարող եք գնել բարբարիս 🙂 Հենց այդ անունով էլ փնտրեք:
zira. krkum ruserenov inchpes e
Բարև Ձեզ, զիրան зира-ն է (cumin/cummin), իսկ քրքումը՝ куркума (turmeric), որոնց մասին առավել մանրամասն կարող եք կարդալ այստեղ՝
http://www.cooks.am/ingredients/%D5%A6%D5%AB%D6%80%D5%A1/
http://www.cooks.am/ingredients/%D6%84%D6%80%D6%84%D5%B8%D6%82%D5%B4/
Shat mersi baxadratomsi hamar