- Yield: 1-2 ժամ անց
- Prep Time: 30 minutes
- Cook Time: 30 minutes
Թխվածք Բաունտի
Բաղադրիչներ
- բիսկվիթ - 2 հատ
- սպիտակաձավար - 6 ճ/գդ
- կոկոսի քերուկ - 250 գր
- կաթ - 500 մլ
- շաքարավազ - 200 գր
- վանիլին - 1 թ/գդ
- կարագ - 125 գր
- սերուցք 30-35% յուղայնությամբ - 400 մլ
Քայլերի հաջորդականություն
- Վերցնում ենք 2 բիսկվիթները և բաժակով կամ մետաղական ձևամանով շրջաններ կտրում:
- Ահա այսպիսի շրջաններ ենք ստանում, որոնք պետք է զույգ լինեն:
- Պատրաստում ենք սպիտակաձավարով շիլան: Կաթը տաքացնում ենք, ավելացնում շաքարավազը, հասցնում եռման աստիճանի և անընդհատ խառնելով, բարակ շիթով ավելացնում ենք սպիտակաձավարը: Այնուհետև ավելացնում ենք վանիլինն ու խառնում մինչև զանգվածը թանձրանա: Վերջում լցնում ենք կոկոսի քերուկը և վերցնում կրակից:
Թողնում ենք մի քիչ սառչի, այնուհետև ավելացնում ենք կարագը և լավ խառնում, ինչից հետո ծածկում ենք սննդային փաթեթով և թողնում ամբողջությամբ սառչի:
- Եթե շիլան արդեն սառել է, ապա վերցնում ենք շրջաններից մեկը և դնում ենք այն բաժակի կամ ձևամանի մեջ, որով կտրել ենք ու վրան ենք լցնում սպիտակաձավարով շիլան: Այնուհետև երկրորդ շրջանով թեթևակի սեղմելով ծածկում ենք և ձևամանը հանում:
- Այժմ հարում ենք սերուցքը՝ անհրաժեշտության դեպքում շաքարավազ ավելացնելով: Վերցնում ենք թխվածքները և թաթախում սկզբում սերուցքի, այնուհետև կոկոսի մեջ:
- Այս ամենից հետո սերուցքը լցնում ենք հրուշակեղենային պարկի մեջ և ձևավոր գլխադրով սեղմում թխվածքների վրա: Ցանկության դեպքում ձևավորում ենք նաև շոկոլադով ու կակաոյով:
- Ահա և վերջ:
Ի դեպ, եթե թխվածք Բաունտի պատրաստելիս կրեմը ավելացել է, ապա կարող ենք նաև կոնֆետներ պատրաստել. կրեմը 2 սմ բարձրությամբ լցնում ենք յուղաթղթի վրա, կտրատում և սառեցնում ենք: Այնուհետև վրան շոկոլադ ենք ցանում և համտեսում 🙂
Ձեզ կարող է հետաքրքրել նաև
Թողնել պատասխան
Մուտք եղեք:
spitakadzavar@ manina che?
Բարև Ձեզ Լիլիթ ջան, այո սպիտակաձավարը манная крупа-ն է 🙂
Knereq isk biskvitnere inchpes petqe patrastel?
Բարև Ձեզ Անի ջան, ահա այստեղ կարող եք գտնել դասական բիսկվիթ պատրաստելու եղանակը՝
http://www.cooks.am/%D5%A4%D5%A1%D5%BD%D5%A1%D5%AF%D5%A1%D5%B6-%D5%A2%D5%AB%D5%BD%D5%AF%D5%BE%D5%AB%D5%A9/