- Yield: 20 րոպե անց
- Prep Time: 30 minutes
- Cook Time: 40 minutes
Թխվածք «Նանաիմո»
Բաղադրիչներ
- կարագ - 250 գր
- շաքարավազ - 50 գր
- կակաո - 5 ճ/գդ
- ձու - 1 հատ
- վաֆլի - 1.5 բաժակ (փշրանք)
- կոկոսի քերուկ - 200 գր
- հնդկական ընկույզ - 100 գր (կամ նուշ)
- պուդինգ - 3 ճ/գդ
- կաթ - 50 մլ
- շաքարի փոշի - 450-500 գր
- շոկոլադ սև - 200 գր
Քայլերի հաջորդականություն
- 100 գր կարագն ու շաքարավազը հալեցնում ենք, ավելացնում կակաոն և մի փոքր հարած ձուն: Զանգվածը լավ խառնում ենք ու անմիջապես վերցնում կրակի վրայից:
- Վաֆլիի փշրանքները, կոկոսի քերուկը ու մանրացրած ընկույզները լավ խառնում ենք, ավելացնում ենք շոկոլադե զանգվածը և կրկին խառնում:
- Զանգվածը լցնում ենք յուղաթղթապատ ձևամանի մեջ, լավ տարածում և 20 րոպեով տեղափոխում սառնարան:
- Պատրաստում ենք կրեմը: 70 գր կարագը լավ հարում ենք, ավելացնում պուդինգը, հարում և ավելացնում ենք կաթը: Այնուհետև լցնում ենքշաքարի փոշին և կրկին հարում:
- Կրեմը լցնում ենք հիմքի վրա, կրկին տարածում և 15-20 րոպեով կրկին տեղափոխում սառնարան:
- Պատրաստում ենք ջնարակը: Շոկոլադն ու մնացած կարագը գոլորշու վրա հալեցնում ենք և լցնում մեր թխվածքի վրա: Կրկին 15-20 րոպեով տեղափոխում ենք սառնարան:
- Վայելում ենք:
Յուրահատուկ թխվածք համեղն ու գեղեցիկը գնահատողների համար 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Բարև Ձեզ,խնդրում եմ ասել պուդինգն ինչ է և որտեղից կարելի է ձեռք բերել:Շնորհակալություն:
Բարև Ձեզ, սիրելի Նաիրա, պուդինգ անգլերենից թարգմանաբար նշանակում է քաղցրակուտակ։ Այն ձվով, շաքարավազով, կաթով և ալյուրով պատրաստված անգլիական դեսերտ է։ Պուդինգն Անգլիայում համարվում է սուրբծննդյան սեղանի ուտեստ։
Գոյություն ունեն պուդինգ պատրաստելու տարատեսակ բաղադրատոմսեր, որոնց կարող եք ծանոթանալ հետևյալ հղումով՝ http://www.cooks.am/?s=%D5%BA%D5%B8%D6%82%D5%A4%D5%AB%D5%B6%D5%A3
Բարև Ձեզ,պուդինգին` որպես դեսերտ,շատ լավ եմ ծանոթ))Ուղղակի որ գրել եք 3 ճ.գդ պուդինգ,դա չեմ հասկանում))
Սիրելի Նաիրա, պուդինգը փոշենման զանգված է, որը օգտագործվում է տարբեր դեսերտներ, թխվածքներ ու կրեմներ պատրաստելիս։ Դրա շնորհիվ կրեմը դառնում է ավելի նրբահամ ու թեթև։ Այն կարելի է փոխարինել օսլայի, վանիլինի ու շաքարավազի խառնուրդով և կստանաք նույն արդյունքը, ինչ պուդինգ օգտագործելու դեպքում։ ։)