- Yield: Անմիջապես
- Prep Time: 40 minutes
- Cook Time: 45 minutes
Լցոնված դդում
Բաղադրիչներ
- դդում - 2 հատ (փոքր)
- սունկ շամպինիոն - 150 գր
- ձիթայուղ - 5 ճ/գդ
- սոխ - 1 հատ (կարմիր)
- սխտոր - 1 պճեղ
- համեմի սերմ - 0.5 թ/գդ
- պղպեղ չիլի - 0.5 թ/գդ
- հազրեվարդ (розмарин) - 0.5 թ/գդ
- լոլիկ - 7 հատ
- աղ ծովի - ըստ ճաշակի
- բրինձ - 100 գր
- ընկույզ - 70 գր
- արգանակ բանջարեղենային - 150 մլ
Քայլերի հաջորդականություն
- Դդումների կափարիչները կտրում ենք և միջուկը գդալով հանում:
- Բանջարեղենը լվանում ու մաքրում ենք, բրինձը հասցնում ենք եռման, կրակից վերցում ենք ու այդպես թողնում 10 րոպե, ինչից հետո ջուրը թափում ենք: Տապակի մեջ ձիթայուղ ենք լցնում և սունկը թեթևակի տապակում:
- Ավելացնում ենք դդմի կտրատած միջուկն ու թեթևակի շոգեխաշում:
- Հետո ավելացնում ենք կտրատած սոխն ու սխտորը և մի քիչ էլ թողնում կրակին:
- Այժմ արդեն լցնում ենք լոլիկը, խառնում, կափարիչը ծածկում ու մի քիչ շոգեխաշում:
- Ավելացնում ենք աղացած համեմի սերմը, չիլին, հազրեվարդն ու ծովի աղը և անմիջապես լցնում բանջարեղենային արգանակը:
- Ավելացնում ենք բրինձն ու ընկույզները:
- Խառնում ենք, եփում այնքան, մինչև բրինձը կիսաեփ լինի:
- Դդումը լցոնում ենք ստացված զանգվածով:
- Կափարիչները ծածկում ենք:
- Դնում ենք նրբաթիթեղի վրա և ձիթայուղ քսում:
- Նրբաթիթեղն ամուր փակում ենք, 45 րոպեով դնում ջեռոցը (խոշոր դդումների դեպքում ավելի շատ ժամանակ է անհրաժեշտ): Ջեռոցի տապակի մեջ մի քիչ ջուր ենք լցնում՝ մոտ 5 մմ, որպեսզի դդումի հատակը չայրվի: 45 րոպեից մեր դդումները պատրաստ են (մատով սեղմելիս կարելի է հասկանալ, որ արտաքին կեղևը փափկել է և պիտանի է օգտագործման):
- Բարի ախորժակ:
Հիանալի կերակուր է ստացվում, որը կհավանեն նույնիսկ դդում չսիրողները: Ի դեպ, այն կարելի է ուտել կեղևով, քանի որ ամբողջությամբ հալչում է բերանում 🙂
Ձեզ կարող է հետաքրքրել նաև
Թողնել պատասխան
Մուտք եղեք:
Ind pechenii baxadratoms kaseq