Խնձորով կարկանդակ
Բաղադրիչներ
- սպիտակաձավար - 150 գր
- շաքարավազ - 150 գր
- ալյուր - 120 գր
- վանիլային շաքար - 2 թ/գ
- փխրեցուցիչ - 1 թ/գ
- դարչին՝ աղացած - 1 թ/գ
- աղ - 1 պտղունց
- Ինչպես նաև՝
- կարագ - 100 գր
- խնձոր - 800 գր
Քայլերի հաջորդականություն
- Բոլոր բաղադրիչները բացի կարագից ու խնձորից լցնում ենք տարայի մեջ ու լավ խառնում ենք։
- Խնձորներն անցկացնում ենք խոշոր քերիչով։
- Սառցախցիկում դրված կարագն անցկացնում ենք քերիչով։
- Ձևամանը (20 սմ տրամագծով) կարագապատում ենք և ստացված զանգվածի 1/3 մասը լցնում ենք ձևամանի մեջ։
- Վրան լցնում ենք կարագի 1/3 մասը։
- Այնուհետև ավելացնում ենք քերած խնձորի մի մասը։
- Նույն ձևով լցնում ենք խմորի մյուս շերտը, կարագն ու խնձորի մնացած մասը, որից հետո պատում ենք խմորի մնացած մասով ու կարագով։
- Թխում ենք 40-60 րոպե 180 աստիճան տաքացրած ջեռոցում։
- Պիրոգը պատրաստ է, դուրս ենք բերում ջեռոցից ու թողնում ենք, որ սառչի։
Ստացվում է շատ համեղ խնձորով կարկանդակ։ Վայելում ենք։
Ձեզ կարող է հետաքրքրել նաև
Թողնել պատասխան
Մուտք եղեք:
Բարև ձեզ, խնդրում եմ ասեք խմոր շաղախելու ժամանակ ձու կամ կաթ չենք ավելացնում?Եթե ոչ , ապա ինչպե՞ս ենք խմորը շաղախելու
Բարև Ձեզ, հարգելի Տիգրան, այս բաղադրատոմսում ձու կամ կաթ չի օգտագործվում։ Չոր բաղադրիչներով ստացված խմորն ընդամենը խառնում ու լցնում ենք ձևամանի մեջ։ ։)
Anchap hamex er.shnorhakal enq dzez
Շատ ուրախ ենք, որ Ձեզ դուր է եկել, սիրելի Անի։ Մենք էլ շնորհակալ ենք մեր կողմից առաջարկվող բաղադրատոմսերից օգտվելու համար։ ։)