- Prep Time: 20 minutes
- Cook Time: 30 minutes
Կոկոսով թխվածք
Բաղադրիչներ
- Խմորի համար՝
- ձու - 2 հատ
- շաքարավազ - 60 գր
- ալյուր - 35 գր
- օսլա (крахмал) - 25 գր
- փխրեցուցիչ - 0,5 թ/գ
- ջուր - 2 ճ/գ
- Կոկոսի միջուկի համար՝
- ձու - 3 հատ
- շաքարավազ - 50 գր
- կոկոսի քերուկ - 100 գր
- Կրեմի համար՝
- ձու - 1 հատ
- ալյուր - 2 ճ/գ
- կաթ - 200 մլ
- կարագ - 150 գր
- շոկոլադ սպիտակ - 50 գր
Քայլերի հաջորդականություն
- Պատրաստում ենք կոկոսի միջուկը, որի համար սպիտակուցները լավ հարում, ապա ավելացնում ենք շաքարավազը։
- Լցնում ենք կոկոսի քերուկը։
- Թիակով զգուշորեն խառնում ենք։
- Ձևամանը (30 x 20 սմ) պատում ենք յուղաթղթով, լցնում ենք կոկոսի զանգվածն ու հավասարապես տարածում ենք։
- Թխում ենք 8-10 րոպե 180 աստիճան տաքացրած ջեռոցում, թողնում ենք, որ սառչի, ապա յուղաթուղթը հեռացնում ենք։
- Այժմ պատրաստում ենք բիսկվիթը, որի համար ձուն հարում ենք, ապա ավելացնում ենք տաք ջուրը։ Լցնում ենք շաքարավազն ու շարունակում ենք հարել այնքան, մինչև զանգվածը մի քանի անգամ շատանա։
- Առանձին տարայի մեջ լցնում ենք ալյուրը, օսլան ու փխրեցուցիչը։ Այս բաղադրիչները մաղով անցկացնում ենք, ապա լցնում ձվի զանգվածի վրա և խառնում ենք։
- Թխում ենք 10-12 րոպե նույն ձևամանի մեջ 180 աստիճան տաքացրած ջեռոցում։
- Կրեմի համար ձվի դեղնուցը խառնում ենք ալյուր հետ։
- Կաթը լցնում ենք կաթսայի մեջ ու տաքացնում ենք, այնուհետև ավելացնում ենք դեղնուցի ու ալյուրի խառնուրդը։ Դնում ենք մեղմ կրակի վրա ու անընդհատ խառնում, մինչև պնդանա, որից հետո հանում ենք կրակի վրայից։
- Քանի դեռ եփովի կրեմը սառչում է, կարագն ու շաքարավազը հարում ենք՝ վերածելով միասեռ զանգվածի։
- Չդադարելով հարելը՝ մաս-մաս ավելացնում ենք եփովի կրեմը։
- Շոկոլադը մանրացնում ենք։
- Շոկոլադից մի քիչ առանձնացնում ենք զարդարելու համար, իսկ մյուս մասն ավելացնում ենք կրեմին։
- Կոկոսի շերտն ու բիսկվիթային շերտը բաժանում ենք երկու հավասար մասերի։ Բոլոր շերտերը կրեմապատում ենք։
- Թխվածքը զարդարում ենք կոկոսի քերուկով ու սպիտակ շոկոլադով։ Ցանկալի է մեկ օր պահել սառնարանում։
- Նրբահամ թխվածքը պատրաստ է։
Բարի վայելում։
Ձեզ կարող է հետաքրքրել նաև
Թողնել պատասխան
Մուտք եղեք:
Բարև ձեզ;որ խնդրեմ ցոկադներ չեիք տեղադրի օրինսկ կեռասի դեղձի ու այլ մրգերի շատ շներհակալ կլինեմ
Բարև Ձեզ, սիրելի Հասմիկ։ Մեծ սիրով կփորձենք իրականացնել Ձեր ցանկությունը։ Շուտով կտեղադրենք և Ձեզ կտեղեկացնենք։ ։)
Սիրելի Հասմիկ, Ձեր նախընտրած մրգերով ցուկատների բաղադրատոմսերը շուտով կլինեն կայքում, իսկ ձմերուկի ցուկատի պատրաստման եղանակին կարող եք ծանոթանալ այս հղումով՝ http://www.cooks.am/%D5%B1%D5%B4%D5%A5%D6%80%D5%B8%D6%82%D5%AF%D5%AB-%D6%81%D5%B8%D6%82%D5%AF%D5%A1%D5%BF/
Բարև Ձեզ, ինձ շատ հետաքրքրեց այս թխվածքը։ Չէ՞իք ասի, թե մոտավորապես ինչքան կոկոսի քերուկ է հարկավոր
Բարև Ձեզ, սիրելի Էլվիրա։ Ավելացնում ենք մոտ 100 գր քերուկ։ ։)