Տարտալետկաները մեզ օգնում են աղանդերն ու նախուտեստները գեղեցիկ մատուցել: Վերջիններս պատրաստվում են քաղցր, ոչ քաղցր ու փխրուն խմորներով: Այսօր կներկայացնենք համեղ տարտալետկաներ պատրաստելու գաղտնիքը:

1. Պատրաստում ենք քաղցր տարտալետկաներ: Ձվերը լցնում ենք ամանի մեջ, ավելացնում ենք շաքարավազը: Այնուհետև ավելացնում ենք կարագը և լավ խառնում ենք: Ավելացնում ենք ալյուրն ու խմոր ենք հունցում: 7 մմ հաստությամբ խմոր ենք գրտնակում, ձևամաններով խմոր ենք կտրում և զամբյուղների տեսք տալիս:
   
2. Թխում ենք 15 րոպե 200 աստիճան տաքացրած ջեռոցում: Պատրաստի զամբյուղները ձևամանից հանում ենք և սառեցնում:
   
3. Պատրաստում ենք ոչ քաղցր խմոր: Մեզ անհրաժեշտ բոլոր բաղադրիչները խառնում ենք,  ստանում համասեռ զանգված: 7 մմ հաստությամբ խմոր ենք գրտնակում: Ձևամաններով խմոր ենք կտրում և զամբյուղների տեսք տալիս: Այնուհետև թխում ենք 15 րոպե 200 աստիճան տաքացրած ջեռոցում: Այս տարտալետկաները կարող ենք լցոնել սնկով, ապխտած մսով, պանրով և այլն:
   
4. Պատրաստում ենք փխրուն խմոր: Աղը խառնում ենք ալյուրի հետ, ավելացնում կտորներով կտրատված կարագը: Սուր դանակով սկսում ենք ալյուրի մեջ կտրատել կարագը մինչև ստանանք փշրանքանման զանգված: Այնուհետև արագ խմոր ենք հունցում քանի դեռ կարագը չի հալչել: 7 մմ հաստությամբ խմոր ենք գրտնակում և շրջանաձև կտրատում: Տեղադադրում ենք համապատասխան ձևամանների մեջ և թխում մոտ 15 րոպե 200 աստիճան տաքացրած ջեռոցում մինչև բաց կարմրավուն երանգի ստացումը: