Բաղադրիչները նախատեսված են 23 սմ տրամագծով ձևամանի հաշվարկով։

1. Պատրաստում ենք բրաունիի խմորը։ Շոկոլադը գոլորշու վրա կամ միկրոալիքային վառարանում հալեցնում ենք։
   
2. Սենյակային ջերմաստիճանի կարագը շաքարավազի հետ հարում ենք։ Հատ առ հատ ավելացնում ենք ձվերը` յուրաքանչյուրից հետո լավ հարելով։
   
3. Ավելացնում ենք շոկոլադը և ևս մեկ անգամ հարում ենք։ Այնուհետև ավելացնում ենք ալյուրն ու համասեռ խմոր ենք հունցում։
   
4. Մի կողմ ենք դնում։
   Պատրաստում ենք միջուկը։ Մասկարպոնեն սերուցքի, վանիլինի և շաքարավազի հետ հարում ենք մինչև համասեռ դառնա։ Հատ առ հատ ավելացնում ենք ձվերը` յուրաքանչյուրից հետո լավ խառնելով։
   
5. Պանրային զանգվածի 1/3 մասը առանձնացնում ենք և մեջն ենք լցնում 50 գր հալեցրած շոկոլադը, լավ խառնում ենք (շոկոլադը պետք է սառեցնել մինչև սենյակային ջերմաստիճանի դառնա)։
   
6. Կարագով պատված հանվող ձևամանի մեջ ենք լցնում բրաունիի խմորը։ Վրան թխվածքաբլիթի շերտն ենք շարում։
   
7. Լցնում ենք մնացած սպիտակ պանրային զանգվածի կեսը։
   
8. Այնուհետև զգուշորեն քսում ենք շոկոլադային զանգվածը։
   
9. Մնացած պանրային զանգվածի մեջն ենք լցնում «Օրեո»  թխվածքաբլիթի մնացած փշրանքները, խառնում ենք։ Դնում ենք շոկոլադային շերտի վրա։
   
10. Ձևամանը դնում ենք մինչև 160 աստիճան տաքացրած ջեռոցի մեջ` եռման ջրով լի կաթսայի վրա։ Չիզքեյքը մոտ 60 րոպե թխում ենք։ Եթե ձևամանի կողքին հարվածելուց միայն չիզքեյքի մեջտեղի հատվածն է թրթռում, նշանակում է` չիզքեյքը պատրաստ է։
    Չիզքեյքը 30 րոպե թողնում ենք փակ ջեռոցի մեջ, այնուհետև հանում ենք և թողնում ենք սենյակային ջերմաստիճանում սառչի։ Գիշերը կամ առնվազն 4 ժամ թողնում ենք սառնարանում։
    Ձևավորման համար սառը սերուցքը շաքարի փոշու հետ հարում ենք` մինչև կայուն փրփուր ստանանք։ 3 ճ/գդ սերուցքը վերցնում ենք և պատում չիզքեյքը, մնացածի մեջ կակաոյի փոշի ենք լցնում և կրկին հարում, որպեսզի զանգվածը միագույն դառնա։ Սերուցքը լցնում ենք ձևավոր գլխադիրով հրուշակեղենային պարկի մեջ և սկսում ենք չիզքեյքը ձևավորել։
    Վրան սպիտակ շոկոլադի քերուկ ենք ցանում։
    
11. Կտրում ենք և վայելում։