- Yield: 6 ժամ անց
- Prep Time: 35 minutes
- Cook Time: 40 minutes
Տորթ «Սպարտակ»
Բաղադրիչներ
- Խմորի համար՝
- կարագ - 100 գր
- սերուցք մինչև 20% յուղայնությամբ - 2-3 ճ/գդ
- ձու - 2 հատ
- կակաո - 20 գր
- մեղր - 2 ճ/գդ
- ալյուր - 450 գր
- շաքարավազ - 200 գր
- սոդա - 1,5 թ/գդ
- Կրեմի համար՝
- ալյուր - 3 ճ/գդ
- ձու - 3 հատ (դեղնուց)
- կաթ - 500 մլ
- շաքարավազ - 200 գր + 100գր
- կարագ - 200 գր
- վանիլին - 0,5 թ/գդ
- Ջնարակի համար՝
- շաքարավազ - 4 ճ/գդ
- ջուր - 6 ճ/գդ
- կակաո - 20 գր
- կարագ - 30 գր
Քայլերի հաջորդականություն
- Ձվերը լցնում ենք ամանի մեջ և հարում ենք։
- Կարագը կաթսայի մեջ հալեցնում ենք, ավելացնում ենք շաքարավազը, մեղրը, կակաոյի փոշին, սերուցքն ու ձվերը և խառնում ենք։ Թույլ կրակի վրա անընդհատ խառնելով եփում ենք մինչև շաքարավազը հալվի։
- Ավելացնում ենք սոդան և եփում ենք այնքան մինչև զանգվածը 3 անգամ ավելանա։ Կրակի վրայից վերցնում ենք։ Մաս առ մաս ավելացնում ենք ալյուրը և թանձր խմոր ենք հունցում։
- Աշխատանքային սեղանի վրա մի փոքր ալյուր ենք լցնում, խմորը դնում ենք վրան և փափուկ, հարթ խմոր ենք հունցում։
- Խմորին երշիկի տեսք ենք տալիս։
- Բաժանում ենք 8 հավասար մասերի։ Կտորները սննդային փաթեթով ծածկում ենք, որ չչորանան։
- Վերցնում ենք խմորի կտորը և ալրապատ մակերևույթի վրա 2 մմ հաստությամբ բարակ ուղղանկյունաձև շերտ ենք գրտնակում (հաջորդաբար բոլոր շերտերը գրտնակում ենք և թխում)։
- Գրտնակի վրա ենք փաթաթում և տեղափոխում յուղաթղթով պատված տապակի մեջ։
- Շերտերը թխում ենք 3-5 րոպե` մինչև 180 աստիճան տաքացրած ջեռոցում։ Թխելու ժամանակահատվածը կախված է շերտի հաստությունից։
- Պատրաստի շերտի եզրերը դանակով հավասարեցնում ենք։
- Սկսում ենք պատրաստել կրեմը։ Դեղնուցները 200գր շաքարավազի հետ լցնում ենք կաթսայի մեջ և հարում ենք։
- Ավելացնում ենք ալյուրն ու խառնում ենք։ Մաս առ մաս ավելացնում ենք կաթը, խառնում ենք մինչև համասեռ դառնա։ Դնում ենք թույլ կրակի վրա և անընդհատ խառնելով եփում ենք` մինչև թանձրանա։
- Կրակի վրայից վերցնում ենք, ավելացնում ենք վանիլինն ու խառնում։ Սննդային փաթեթով ծածկում ենք և թողնում ենք ամբողջությամբ սառչի։
- Կարագն ու մնացած 100գր շաքարավազը հարում ենք մինչև փքուն զանգված ստանանք։
- Մաս առ մաս ավելացնում ենք եփովի կրեմը և այնքան հարում, մինչև համասեռ զանգված ստանանք։
- Բոլոր շերտերը պատում ենք կրեմով, բացի վերջինից։
- Եփում ենք ջնարակը։ Կարագը լցնում ենք կաթսայի մեջ և հալեցնում, ավելացնում ենք շաքարավազը, ջուրը, կակաոյի փոշին։ Մոտ մեկ րոպե թույլ կրակի վրա անընդհատ խառնելով եփում ենք, որպեսզի գնդիկներ չմնան։
- Վերին շերտն ու կողքերը ջնարակապատում ենք։ Տորթի եզրերի կտրված հատվածները փշրում ենք և այդ փշուրով պատում տորթի կողքերը։ Այնուհետև 6 ժամով տեղափոխում ենք սառնարանը, որ ներծծվի։ Տորթը կարող ենք ձևավորել ըստ ցանկության։
- Պատրաստի տորթը ուղղանկյունաձև կտրատում ենք և մատուցում։ Բարի ախորժակ։
Գրված չափաբաժնից ավելի ալյուր պետք չէ լցնել, խմորը շատ կպնդանա։ Այն շատ հեշտ է գրտնակվում, բայց աշխատանքային սեղանի վրա պարտադիր ալյուր ցանեք։ Թե խմորը, թե ջնարակը և թե կրեմը պատրաստելիս պետք է լավ խառնել, որպեսզի գնդիկներ չառաջանան 🙂
Ձեզ կարող է հետաքրքրել նաև
Թողնել պատասխան
Մուտք եղեք:
հիացած եմ
Անչափ շնորհակալ ենք 🙂
Հարգելի խոհարար խնդրում եմ տեղադրել Շտերլից տորթի րեսեփին և պատրաստման եղանակը
Սիրելի Կարինե, Շտիրլից տորթի բաղադրատոմսը շուտով կլինի մեր կայքում։ ։)
Ահա բաղադրատոմսը՝ https://www.cooks.am/%D5%AF%D5%A1%D6%80%D5%AF%D5%A1%D5%B6%D5%A4%D5%A1%D5%AF-%D5%B7%D5%BF%D5%AB%D6%80%D5%AC%D5%AB%D6%81/
Xndrum em ksovorecnek ddumov apuri patrasteln snorhakalutjun naxoroq
Բարև Ձեզ: Ահա խնդրեմ այստեղ մանրամասն ներկայացված է` ինչպես պատրասել համեղ դդումով կրեմ-ապուր`
http://www.cooks.am/%D5%A4%D5%A4%D5%B8%D6%82%D5%B4%D5%B8%D5%BE-%D5%AF%D6%80%D5%A5%D5%B4-%D5%A1%D5%BA%D5%B8%D6%82%D6%80/
Barev dzez, isk karox em krknaki chapabajnov patrastem, mi angam patrasteci, karces te poqr stacvec.
Բարև Ձեզ Արևիկ ջան, այո, իհարկե կարող եք 🙂
Shnorhakal em
Միշտ պատրաստ ենք օգնել 🙂
Mi harc el, dzerqis tak serucq chunem, ete kat ogtagorcem, klini?
Բարև Ձեզ, ցանկալի է հենց սերուցք օգտագործեք 🙂
Ներողություն, իսկ յուղաթղթի վրա ա
Ենք եփում խմորը?
Բարև Ձեզ Լիլիթ ջան, այո 🙂
Բարև ձեզ, կներեք սերուցքը նույն սլիվկա՞ն է, որն օգտագործում ենք տորթերի ձևավորման համար։ Նախապես շնորհակալություն։
Այո, նույն “сливки”-ն. հայերեն սերուցք են ասում:
իսկ կներեք 500մլ ինչքանա
Եթե խոսքը վերաբերում է կաթին, ապա 500 մլ-ն կազմում է 2 բաժակ։ ։)
Klini slifkin kati het poxatonenq
Բարև Ձեզ, սիրելի Գոհար, ցանկալի է հենց սերուցք օգտագործելը: ?
Դժվարությամբ բացեցի խմորը շատ (((
Սիրելի Անահիտ, հնարավոր է՝ խմորը շատ պինդ է ստացվել։
Իսկ առանց սերուցք կլիմի ?… խնդրում եմ արագ արձագանքեկ
Սիրելի Անահիտ, սերուցքը կարող եք փոխարինել նույնքան կաթով։ ։)