Դեղձով թխվածք

Կարդալ հետո

Խմորը ստանալու համար բլենդերի մեջ լցրեք ալյուրը, աղը և խորանարդիկներով կտրատված սառը կարագը: Խառնեք մինչև մանր փշրանքանման զանգվածի առաջացումը:
Ապա ավելացրեք 1 ձուն և կաթը, կրկին խառնեք թույլ աստիճանի տակ մինչև գնդերի առաջացումը: Արագ հանեք խմորը բլենդերից, ձեռքերով հունցեք այն, ապա կլորացրեք և փաթաթեք ցելոֆանի մեջ: Տեղափոխեք սառնարան 30րոպեով:
Դեղձը կտրատեք կիսալուսնաձև շերտերով:
Առանձին ամանի մեջ խառնեք թթվասերը շաքարավազի հետ, վրան կոտրեք 2 ձու, ավելացրեք օսլան ու վանիլինը: Լավ խառնեք ստացված զանգվածը:
Խմորը հանեք սառնարանից, գրտնակով կլոր բացեք ձևամանի տրամագծով, ապա փռեք ձևամանի մեջ:
Խմորի վրա շարեք դեղձի շերտերը:
Ապա լցրեք թթվասերով զանգվածը:
Թխեք նախապես 180աստիճան տաքացրած ջեռոցում 35-40րոպե մինչև կարկանդակի վրայի շերտի մի փոքր կարմրելը: