Գլխավոր > Թխվածքներ և աղանդեր > Թխվածքներ > Տորթ Բաունտի

Տորթ Բաունտի

Կարդալ հետո

Նյութի հղումը ուղարկվել է ձեր էլ․ հասցեին։

Դաշտի լրացումը պարտադիր է։

Տեղի է ունեցել սխալ։ Փորձել կրկին։

Մուտքագրեք ճիշտ էլ․ հասցե

Yield: 12 ժամ անց
Prep Time: 35 minutes
Cook Time: 40 minutes

Տորթ Բաունտի

By Շեֆ Խոհարար 21/02/2016

Բաղադրիչներ

Խմորի համար՝
կարագ - 250 գր
շաքարավազ - 200 գր
ալյուր - 200 գր
փխրեցուցիչ - 2-2,5 թ/գդ
կաթ - 4 ճ/գդ
կակաո - 3 ճ/գդ
ձու - 4 հատ
Կրեմի համար՝
կոկոսի քերուկ - 200 գր
սպիտակաձավար - 6 ճ/գդ
կաթ - 0,5 լ
կարագ - 200 գր
շաքարավազ - 200 գր
Ջնարակի համար՝
շոկոլադ կաթնային - 200 գր
կարագ - 20-30 գր

Քայլերի հաջորդականություն

Ձվերը շաքարավազի հետ հարում ենք մինչև փքուն զանգված ստանանք։ Այս զանգվածին ենք ավելացնում մաղած ալյուրն ու փխրեցուցիչը և լավ հարում ենք։ Կարագը հալեցնում ենք։ Ավելացնում ենք ձվով և ալյուրով զանգվածին։ Խմորի մեջ ենք լցնում մաղով անցկացրած կակաոն և հարում ենք։
Ավելացնում ենք կաթը և կրկին խառնում։ Խմորը լցնում ենք յուղապատ և ալրապատ ձևամանի մեջ։ Թխում ենք մոտ 40 րոպե 160-180 աստիճան տաքացրած ջեռոցում:
Քանի դեռ շերտը թխվում է, պատրասոտւմ ենք կրեմը։ Կաթը ոչ շատ ուժեղ կրակի վրա եռացնում ենք։ Կաթի մեջ ենք լցնում սպիտակաձավարը և եփում ենք (որպեսզի գնդեր չառաջանան, սպիտակաձավարը աստիճանաբար ենք լցնում կաթի մեջ, մշտապես խառնելով եփվող զանգվածը)։
Փափուկ կարագը շաքարավազի հետ հարում ենք։ Թեթևակի սառած սպիտակաձավարին ենք ավելացնում կոկոսի քերուկը, բայց 2-3 անգամով, ոչ թե միանգամից։ Յուրաքանչյուր անգամ ավելացնելիս հարիչով լավ հարում ենք։ Կարագով զանգվածին ենք ավելացնում սպիտակաձավարը, հարում ենք և տեղափոխում սառնարանը։
Արդեն թխված շերտը հանում ենք ջեռոցից և ձևամանից։ Ամբողջությամբ սառած շերտը 2 մասի ենք բաժանում։
Ներքևի շերտը պատում ենք կրեմով։ Վերևամասն ու եզրերը հավասարեցնում ենք։ Ծածկում ենք երկրորդ շերտով։ Պատում ենք մնացած կրեմով, և վերևամասն ու եզրերը նույնպես հավասարեցնում ենք։
Ջնարակի համար շոկոլադը հալեցնում ենք, ավելացնում ենք կարագը, խառնում ենք մինչև միասեռ դառնա և քսում ենք տորթի վրա։ Ձևավորում ենք կոկոսի քերուկով և տեղափոխում ենք սառնարանը` առնվազն մեկ գիշերով:
Բարի ախորժակ։